ႁႅင်းၵၢၼ်တႆးၼႂ်းၵဵင်းမႆႇ ၸတ်းပၢင်ယွၼ်းသူးႁႂ်ႈTNLA ပွႆႇပၼ်ၼၢင်းမူဝ်ႁွမ်ဝႆးဝႆး

ႁႅင်းၵၢၼ်ယၢၼ်မိူင်းတႆး ၼႂ်းဝဵင်းၵဵင်းမႆႇ ႁူမ်ႈၵၼ်ၸတ်းပၢင်ယွၼ်းသူး ႁႂ်ႈတပ်ႉသိုၵ်း TNLA ပွႆႇပၼ်တူဝ်ၼၢင်းမူဝ်ႁွမ်ဝႆးဝႆး။ ဝၼ်းတီႈ 17/09/2018 ၵေႃႁူမ်ႈသၢင်ႈၸိူဝ်ႉၸၢတ်ႈတႆး ဢွၼ်ႁူဝ်ၼမ်းၼႃႈပီႈၼွင်ႉတႆး ၼႂ်းၵဵင်းမႆႇသေ ၸတ်းပၢင်ယွၼ်းသူးႁႂ်ႈတပ်ႉသိုၵ်းတဢၢင်း TNLA ပွႆႇပၼ်တူဝ်ၼၢင်းမူဝ်ႁွမ်ဝႆးဝႆး။ ၸၢႆးသၢႆဝၼ်း ၽူႈၼင်ႈၸိုင်ႈ ၵေႃႈႁူမ်ႈသၢင်ႈၸိူဝ်ႉၸၢတ်ႈတႆး လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈ ဝႃႈ- “ ပေႃးႁဝ်းတေၸတ်းယႂ်ႇၸတ်းလူင်ၵေႃႈ တေလႆႈယွၼ်းၶႂၢင်ႉတီႈ ၸဝ်ႈၼႃႈတီႈပလိၵ်ႈ ၶၢဝ်းယၢမ်းမၼ်း သမ်ႉဢမ်ႇတၼ်းယဝ်ႉလႄႈ ႁဝ်းၶႃႈၸင်ႇ...