Friday, March 29, 2024

ႁႅင်းၵၢၼ်တႆးၼႂ်းၵဵင်းမႆႇ ၸတ်းပၢင်ယွၼ်းသူးႁႂ်ႈTNLA ပွႆႇပၼ်ၼၢင်းမူဝ်ႁွမ်ဝႆးဝႆး

Must read

ႁႅင်းၵၢၼ်ယၢၼ်မိူင်းတႆး ၼႂ်းဝဵင်းၵဵင်းမႆႇ ႁူမ်ႈၵၼ်ၸတ်းပၢင်ယွၼ်းသူး ႁႂ်ႈတပ်ႉသိုၵ်း TNLA ပွႆႇပၼ်တူဝ်ၼၢင်းမူဝ်ႁွမ်ဝႆးဝႆး။

Photo by – Sai One Tai / ႁႅင်းၵၢၼ်ယၢၼ်မိူင်း ႁူမ်ႈၵၼ်ယွၼ်းသူးႁႂ်ႈ TNLA ပွႆႇပၼ်ၼၢင်းမူဝ်ႁွမ်ဝႆးဝႆး

ဝၼ်းတီႈ 17/09/2018 ၵေႃႁူမ်ႈသၢင်ႈၸိူဝ်ႉၸၢတ်ႈတႆး ဢွၼ်ႁူဝ်ၼမ်းၼႃႈပီႈၼွင်ႉတႆး ၼႂ်းၵဵင်းမႆႇသေ ၸတ်းပၢင်ယွၼ်းသူးႁႂ်ႈတပ်ႉသိုၵ်းတဢၢင်း TNLA ပွႆႇပၼ်တူဝ်ၼၢင်းမူဝ်ႁွမ်ဝႆးဝႆး။

- Subscription -

ၸၢႆးသၢႆဝၼ်း ၽူႈၼင်ႈၸိုင်ႈ ၵေႃႈႁူမ်ႈသၢင်ႈၸိူဝ်ႉၸၢတ်ႈတႆး လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈ ဝႃႈ- “ ပေႃးႁဝ်းတေၸတ်းယႂ်ႇၸတ်းလူင်ၵေႃႈ တေလႆႈယွၼ်းၶႂၢင်ႉတီႈ ၸဝ်ႈၼႃႈတီႈပလိၵ်ႈ ၶၢဝ်းယၢမ်းမၼ်း သမ်ႉဢမ်ႇတၼ်းယဝ်ႉလႄႈ ႁဝ်းၶႃႈၸင်ႇ ၸူဝ်းဢဝ်ၵူၼ်း ၼႂ်းၸုမ်းႁဝ်းသေ ၸတ်းပၢင်ယွၼ်းသူး တီႈလုမ်းႁဝ်းၼႆႉၶႃႈဢေႃႈ ႁဝ်းၶႃႈႁႅင်းၵၢၼ်ယၢၼ်မိူင်းၵေႃႈ မႆႈၸႂ်ၼိူဝ် ပီႈၼွင်ႉၵူၼ်းမိူင်းႁဝ်း ၸိူဝ်းထူပ်းတၢင်းယၢပ်ႇၽိုတ်ႇၼၼ်ႉဝႆႉယူႇ ” ဝႃႈၼႆ။

ၸိူင်ႉၼၼ်ၼင်ႇၵဝ်ႇ ၵူၼ်းမိူင်းဝဵင်းပၢင်လူင်ၵေႃႈ ႁူမ်ႈၵၼ်တႆႈတဵၼ်းယွၼ်းသူးႁႂ်ႈၸုမ်းသိုၵ်း TNLA ပွႆႇပၼ်တူဝ်ၼၢင်းမူဝ်ႁွမ်ဝႆးဝႆး ။

ၼႂ်းဝၼ်းတီႈ 17/09/2018 ၼၼ်ႉပဵၼ်ဝၼ်းဢၼ်ၸုမ်းသိုၵ်းတဢၢင်း TNLA တီႉၺွပ်းတူဝ်ၼၢင်းမူဝ်ႁွမ် ၵႂႃႇ ၶွပ်ႈတဵမ် 1 လိူၼ် ၵူၼ်းမိူင်းၼမ်ႉၶမ်း ဢဵၼ်ႁႅင်း 20,000 ပၢႆႁူမ်ႈၵၼ်ၼႄၵၢင်ၸႂ် တုၵ်းယွၼ်းႁႂ်ႈ ပွႆႇပၼ်တူဝ်ၼၢင်းမူဝ်ႁွမ်ဝႆးဝႆး ။

မိူဝ်ႈဝၼ်းတီႈ 17/08/2018 ယၢမ်းၵၢင်ၼႂ်ၼၼ်ႉ ၵူၼ်းသိုၵ်းတဢၢင်း TNLA ႁႃႈၵေႃႉ ပႃးၵွင်ႈၸေးမိုဝ်း ၶဝ်ႈတီႉဢဝ် တူဝ်ၼၢင်းမူဝ်ႁွမ်ၵႂႃႇ တေႃႇ ထိုင်ယၢမ်းလဵဝ် ပႆႇပွႆႇပၼ်မႃး တေႃႇဝၼ်းမိူဝ်ႈၼႆႉ မီးလိူၼ်ယဝ်ႉ ဝႃႈၼႆ။

ၼၢင်းမူဝ်ႁွမ်ၼႆႉ မီးလုၵ်ႈ 3 ၵေႃႉ၊ ပဵၼ်ၵူၼ်းႁႃၵိၼ်လဵင်ႉတွင်ႉသိုဝ်ႈယူဝ်း မိူဝ်ႈပီ 2016 သိုၵ်း TNLA မႃးၵဵပ်းၶွၼ်ႇ ႁၢၼ်ႉ ၶၢႆၵိုၵ်းႁိူၼ်း(ၶၢႆၶိူင်ႈၵေႃႇသၢင်ႈ) ၵႂႃႇ 3 သႅၼ်၊ ပီ 2017 မႃးၵဵပ်းငိုၼ်းၵႂႃႇထႅင်ႈ 11 သႅၼ်။ ၽွင်းမႃးၵဵပ်းငိုၼ်း ၵမ်းလိုၼ်း ၼၼ်ႉ သိုၵ်းလွႆ TNLA သွင်ၵေႃႉ ၺႃးသိုၵ်းမၢၼ်ႈ မူၵ်းယိုဝ်းၸွမ်းတၢင်းတၢႆၵေႃႉၼိုင်ႈ၊ တီႉလႆႈတူဝ် လိပ်းၵႂႃႇၵေႃႉၼိုင်ႈ။   လွင်ႈၼႆႉၾၢႆႇ TNLA ၸီႉၼႄးဝႃႈပဵၼ်ၼၢင်းမူဝ်ႁွမ်ပွင်ႇၶၢဝ်ႇ ၵပ်းၾူၼ်းလၢတ်ႈ ဝၼ်းၼၼ်ႉၵမ်းလဵဝ်။ ၽွင်းၼၼ်ႉၼၢင်းမူဝ် ႁွမ် ယင်းတွပ်ႇ လၢတ်ႈတီႈTNLA ဝႃႈ ယွၼ်ႉငိုၼ်း 11 သႅၼ်ၵူၺ်းသေ ႁဝ်းဢမ်ႇဢဝ်သၢႆၸႂ်ႁဝ်းလႅၵ်ႈသေပွင်ႇၶၢဝ်ႇလေႃႇ ႁဝ်းဢမ်ႇၸႂ်ႈၵူၼ်းဢဝ်ၶၢဝ်ႇပွင်ႇၶၢဝ်ႇပၼ်ၽႂ် – ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း