ႁၢႆးဝူဝ်း

ဝၼ်းတီႈ 9/1/2022 သဵင်ၵွင်ႈတႅၵ်ႇၼႂ်းၸႄႈဝဵင်းႁၢႆးဝူဝ်း (ႁၢႆးႁူဝ်း) ၸိုင်ႈတႆးပွတ်းၸၢၼ်း ထိုင်မႃးမိူဝ်ႈၼႆႉၵၢင်ၼႂ် သိုၵ်းမၢၼ်ႈထႅမ်ႁႅင်းသိုၵ်း ဢဝ်တီႈယူႇဝႆႉလၢႆလၢႆတီႈပႃးၸဵမ်ၼႂ်းဝဵင်းလႄႈႁိမ်းႁွမ်း။  ၵူၼ်းႁၢႆးဝူဝ်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ  သဵင်ၵွင်ႈလႄႈသဵင်မၢၵ်ႇတႅၵ်ႇ မိူဝ်းၶိုၼ်းဝၼ်းတီႈ 9  ၾၢႆႇတူၵ်းဝဵင်း ဝႃႈၼႆ။ “ၶမ်ႈဝႃးၼႆႉယိၼ်းသဵင်မၢၵ်ႇပွမ်းဢွၼ်တၢင်းဢေႃႈ ။ လႆႈယိၼ်းဝႃႈတႄႉ မီးၵူၼ်းယိပ်းၵွင်ႈၸုမ်းၼိုင်ႈ လမ်းယိုဝ်းသိုၵ်းမၢၼ်ႈဢၼ်ပၼ်ႇတူင်ႇထူင်ႇထဵဝ်ႈၼႂ်းဝၢၼ်ႈၼႂ်းဝဵင်းၼႆဢေႃႈ။ ဝၢႆးသေၼၼ်ႉၵေႃႈသမ်ႉယိၼ်းပႃးသဵင်ယိုဝ်းၵၼ်ၶိုၼ်းဢေႃႈ တေႁိုင်မွၵ်ႈ 20 မိၼိတ်ႉၼႆႉၵူၺ်းၼင်ႇၵဝ်ႇၶႃႈ။ ”ဝႃႈၼႆ။ ဝၢႆးလင်သဵင်ၵွင်ႈသဵင်မၢၵ်ႇယဵၼ်...