ႁဵၼ်း လိၵ်ႈလၢႆး

ၵေႃလိၵ်ႈလၢႆးလႄႈ ၾိင်ႈငႄႈတႆး ဝဵင်းလၢင်းၶိူဝ်း ၵေႃႇသၢင်ႈႁူင်းႁေႃ (ႁူင်းသဝ်း) တီႈယူႇ တႃႇႁပ်ႉ ဢဝ်လုၵ်ႈဢွၼ်ႇၽၢၼ်ပေႃႈမႄႈလႄႈ လုၵ်ႈဢွၼ်ႇယၢပ်ႇၽိုတ်ႇတႃႇသိုပ်ႇၶိုၼ်ႈႁဵၼ်းၼၼ်ႉ မႃးၶဝ်ႈႁဵၼ်း လိၵ်ႈလၢႆးတီႈႁူင်းႁဵၼ်းလူင်ပွင်ၸိုင်ႈမၢၼ်ႈ။ သြႃႇၸၢႆးဢွင်ႇၶိၼ်ႇ ႁူဝ်ပဝ်ႈၵေႃလိၵ်ႈလၢႆးလႄႈ ၾိင်ႈငႄႈတႆး လၢင်းၶိူဝ်းလၢတ်ႈတီႈၽူႈတွႆႇႁွၵ်ႈဝႃႈ- “မိူဝ်ႈၼႆႉ ဝၼ်းတီႈ 24 လိူၼ်မေႊ ၵေႃႈႁဝ်းၶႃႈတိုၵ်ႉၶတ်းၸႂ်သၢင်ႈႁူင်းသဝ်းတီႈယူႇ တႃႇလုၵ်ႈႁဵၼ်းယူႇၶႃႈဢေႃႈ။ သၢင်ႈပၼ်တီႈၼႂ်းဝၢင်းလုမ်းၵေႃလိၵ်ႈလၢႆးၼႆႉၶႃႈဢေႃႈ။ တိုၵ်ႉလူဝ်ႇၸဵမ်ႁႅင်းငိုၼ်း ႁႅင်းၵူၼ်းထႅင်ႈတင်းၼမ်ၶႃႈ ။...