ႁူဝ်ၼႃႈ ၸုမ်းပီႇတူႉၸိတ်ႉမၢၵ်ႇၵႅင်း ႁပ်ႉႁဵတ်းႁူဝ်ပဝ်ႈၵေႃပွင်ပဵၼ်ပၢင်ပွႆးပီမႂ်ႇတႆး ဝဵင်းတူၼ်ႈတီး

ၸုမ်းတူင်ႉၼိုင်တူင်ႇဝူင်းတႆး ၼႂ်းၸႄႈဝဵင်းတူၼ်ႈတီး 28 ၸုမ်း ႁူမ်ႈၵၼ်ဢုပ်ႇဢူဝ်းၵၼ် ယုၵ်ႉဢဝ်ႁူဝ်ၼႃႈၸုမ်းပီႇ တူႉၸိတ်ႉမၢၵ်ႇၵႅင်း(ထုင်ႉပၢင်ႇလႅင်းသႂ်) ၶိုၼ်ႈပဵၼ်ႁူဝ်ပဝ်ႈ ပွင်ပဵၼ်ပၢင်ပွႆး ပီမႂ်ႇတႆး 2113 ၼီႈ ဝႃႈၼႆ။ ဝၼ်းတီႈ 08/09/2018 ယၢမ်းဝၢႆးဝၼ်း 1 မူင်း ၸုမ်းတူင်ႉၼိုင်တူင်ႇဝူင်းတႆး 28 ၸုမ်း ႁူပ်ႉထူပ်းဢုပ်ႇဢူဝ်းၵၼ် လွင်ႈႁၢင်ႈ ႁႅၼ်းဝၢင်းၽႅၼ် ပၢင်ပွႆးႁူမ်ၸူမ်းႁပ်ႉတွၼ်ႈပီမႂ်ႇတႆး...