ႁိူၼ်းႁေႃၶၢဝ်

ၸွမ်ၸိုင်ႈၻူဝ်ႊၼေႃႊ ထရမ်ႉ လႆႈပၢႆႈလူင်းလုၵ်းပၢႆႈၽေး ယွၼ်ႉပိူဝ်ႈၵူၼ်းမိူင်းဢမေႊရိၵႃႊ လုၵ်ႉႁိုၼ်ႇသၢၼ်ၶတ်းႁၢဝ်ႈႁႅင်း ႁိမ်းႁိူၼ်းႁေႃၶၢဝ်  တုၵ်းယွၼ်းတႃႇလွင်ႈၽဵင်ႇပဵင်းၵဵဝ်ႇၵပ်းၸိူဝ်ႉၸၢတ်ႈၶိူဝ်းၵူၼ်း  ။ မိူဝ်ႈၼႆႉ 01/06/2020 ၶၢဝ်ႇၼွၵ်ႈမိူင်း ဢိင်လႅင်ႇၶၢဝ်ႇၼႂ်းႁိူၼ်းႁေႃၶၢဝ် (The White House) ဢွၵ်ႇၶၢဝ်ႇဝႃႈ- မိူဝ်ႈၶိုၼ်းဝၼ်းသုၵ်း (29/05/2020)ပူၼ်ႉမႃးၼၼ်ႉ ၸဝ်ႈၼႃႈတီႈႁူမ်ႇလူမ်ႈၵႅမ်တူဝ် ၸွမ်ၸိုင်ႈဢမေႊရိၵႃႊ ၻူဝ်ႊၼေႃႊ ထရမ်ႉ လႆႈဢွၼ်ဢဝ်မၼ်းၸဝ်ႈပၢႆႈၶဝ်ႈၵႂႃႇမႅပ်းတဵတ်ႇ သွၼ်ႉတူဝ် ယူႇတီႈၼႂ်းလုၵ်းပၢႆႈၽေး...