မိူဝ်ႈၽုၵ်ႈမႃး ပဵၼ်ဝၼ်းလႆႈလွတ်ႈလႅဝ်းသဝ်းၶေႃ ၶွပ်ႈတဵမ် 78 ပီယဝ်ႉ ဝႃႈၼႆသေတႃႉ ၵူၼ်းမိူင်း ၼႆႉ ပိူင်ယႂ်ႇသုတ်း ၵူၼ်းမိူင်းၸၢဝ်းသၼ်လွႆၼႆႉ ပႆႇယၢမ်ႈလႆႈလႅမ်ႉလႆႈၸိမ်း ၼမ်ႉၸဵမ်းဝၢၼ်မၼ်းသေပွၵ်ႈသေပၢၼ်ၵွၼ်ႇ၊ ထုၵ်ႇၸဝ်ႈဢႃႇၼႃႇၸၢဝ်းမၢၼ်ႊ လိင်ႉလႅၼ်ၵိၼ်ၸိၵ်းတွၵ်ႇၸွၵ်းမႃးႁၢၼ်ႉတေႃႇ လွင်ႈလွတ်ႈလႅဝ်း ပေႃးၶႂ်ႈၸမ်သုမ်းလၢႆပႅတ်ႈယဝ်ႉ။ တေဝႃႈ ဢႃႇၼႃႇပၢၼ်ႇပွင်ၸိုင်ႈမိူင်းၼႆၵေႃႈ ထုၵ်ႇၸုမ်းသိုၵ်းယိုတ်းမိူင်း ဢဝ်ၵမ်ႉဢဝ်တၢင် ပုၼ်ႈတႃႇတီႈၼင်ႈတၼ်းႁဵင်းၶဝ်မၼ်ႈ ၵိုမ်းၼၼ်ႉသေ ထိုင်တီႈလႆႈဢဝ်ၾၢႆၼမ်ႉၵဵဝ် လႄႈ တၢင်းလူတ်ႉၾႆးမူႇၸေႊ-ဝဵင်းလိူဝ်ႇ...

ၽွင်းယၢမ်းၵူၼ်းတႆး ၸိူဝ်းသူင်လဵၼ်ႈ ၾဵတ်ႊပုၵ်ႊၶဝ် ယုင်ႈယၢင်ႈဢူၼ်ဢၢၼ်ၸွမ်း လွင်ႈဝႃႉယွၼ်းမိူင်းယူႇၼၼ်ႉ ႁူဝ်ၼႃႈၶွင်ႊသီႊယိုတ်းမိူင်း လၢတ်ႈဢွၵ်ႇမႃး ၵႂၢမ်းသၢမ်သီႇၶေႃႈ ဢၼ်ၵဵဝ်ႇၵပ်းတင်းလွင်ႈၼႆႉ မိူဝ်ႈဝၼ်းတီႈ 27 လိူၼ် သႅပ်ႉထႅမ်ႊပိူဝ်ႊ။ မၼ်းသင်ႇလၢတ်ႈဝႃႈ ၼိုင်ႈ - တီႈဢၼ်ဝႃႈတေပၼ်ၾႅတ်ႇတရႄႇ တႃႇၸၢဝ်းၶိူဝ်းၶဝ်ၼႆႉ တေပၼ်ၸွမ်းၼင်ႇ ဢၼ်ၵိုင်ႇပဵၼ်ၵိုင်ႇမီးၼၼ်ႉၵူၺ်း။ သွင် - တႃႇတေမႄး ပိူင်ပိုင်းလၵ်းမိူင်းၼႆၵေႃႈ...