ၾၢၵ်ႇႁူင်းႁဵၼ်း

ဝၼ်းတီႈ 24/5/2021 ၼႆႉ သိုၵ်းမၢၼ်ႈပိုၼ်ၽၢဝ်ႇဝႆႉ ႁႂ်ႈ​​ပေႃႈမႄႈလုၵ်ႈဢွၼ်ႇမႃးၾၢၵ်ႇ/ဢၢပ်ႈႁူင်းႁဵၼ်း​​ၼႆသေတႃႉ တီႈဝဵင်းပၢင်လူင် ၸိုင်ႈတႆးပွတ်းၸၢၼ်းတႄႉ ဢမ်ႇမီးၵူၼ်းမႃးဢၢပ်ႈလုၵ်ႈဢွၼ်ႇ။  သိုၵ်းမၢၼ်ႈ ၸီႉသင်ႇႁႂ်ႈပိုတ်ႇႁူင်းႁဵၼ်းၼႆ​​သေတႃႉ ယူႇတီႈပေႃႈမႄႈလုၵ်ႈဢွၼ်ႇတႄႉ ​​ၵူဝ်လုၵ်ႈလၢင်းၸဝ်ႈၵဝ်ႇ လႆႈႁဵၼ်းလိၵ်ႈလၢႆးၸွမ်းၼင်ႇပိူင်သိုၵ်းမၢၼ်ႈတမ်းဝၢင်းၼၼ်ႉၼႆသေ ဢမ်ႇဢဝ်လုၵ်ႈလၢင်းၸဝ်ႈၵဝ်ႇ ၵႂႃႇၾၢၵ်ႇႁဵၼ်း။ ၾၢႆႇၼိုင်ႈ ငဝ်းလၢႆးၵၢၼ်မိူင်းၵေႃႈယင်းတိုၵ်ႉသုၵ်ႉယုင်ႈပဵၼ်ၾိုၼ်းပဵၼ်ၾႆးယူႇလႄႈ ဢမ်ႇဝၢင်းၸႂ်လွင်ႈႁူမ်ႇလူမ်ႈလုၵ်ႈလၢင်းၸဝ်ႈၵဝ်ႇလႃးလႃး ဝႃႈၼႆ။ ပႃႈၶမ်းသႂ် မႄႈလုၵ်ႈဢွၼ်ႇၵူၼ်းၸႄႈဝဵင်းလွႆလႅမ် လၢတ်ႈတီၽူႈတွႆႇႁွၵ်ႈဝႃႈ - တိုၼ်းဢမ်ႇၵႂႃႇဢၢပ်ႈၶႃႈႁဝ်းၶႃႈတႄႉ။ တီႈပွၵ်ႉႁဝ်းၶႃႈၼႆႉၵေႃႈ တိုၼ်းဢမ်ႇမီးၽႂ်ၵႂႃႇဢၢပ်ႈၵျွင်း...