ၾူၼ်တူၵ်းႁၢဝ်ႈႁႅင်းႁဵတ်းႁႂ်ႈၼမ်ႉထူမ်ႈ ၼႃးၵူၼ်းမိူင်းပၼ်ႇလူႉသုမ်းၼမ်

ၾူၼ်လူင်တူၵ်းႁႅင်းလၢႆဝၼ်းထပ်းၵၼ်လႄႈ ႁဵတ်းႁႂ်ႈၼမ်ႉႁူၺ်ႈၼမ်ႉလွႆၼွင်း လႆၶဝ်ႈထူမ်ႈ ဢိူင်ႇဝၢၼ်ႈဢိၵ်ႇ ၼႃးၵူၼ်းဝၢၼ်ႈတင်းၼမ်။ ဝၼ်းတီႈ 03/10/2018 ဝၢႆးလင်ၾူၼ်လူင်တူၵ်းႁိူတ်ႇယဝ်ႉ ၼမ်ႉလႆၶဝ်ႈထူမ်ႈ တၢင်းၶဝ်ႈဢွၵ်ႇဝဵင်းလႄႈ ၼႃးၵူၼ်းဝၢၼ်ႈတင်းၼမ်တေႃႇထိုင်မိူဝ်ႈလဵဝ်ပႆႇယွမ်း။ ၸၢႆးၶိူဝ်းတႆး ၵူၼ်းမိူင်းပၼ်ႇ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ “ တီႈမိူင်းႁဝ်းၶႃႈၼႆႉ ပေႃးထိုင်မႃး ၶၢဝ်းၾူၼ်ၼႆ ၼမ်ႉၵႆႉထူမ်ႈတႃႇသေႇဢေႃႈ၊ မိူဝ်ႈလဵဝ်ၼမ်ႉတိုၵ်ႉယိုင်ႈဝႆႉယူႇၶႃႈ ၊ ၸဝ်ႈၼႃးဢၼ် ၺႃးၼမ်ႉထူမ်ႈမီးမွၵ်ႈ 10 ပၢႆၶႃႈ ပေႃးၼမ်ႉယွမ်းလႄႈ...