ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ ႁူပ်ႉထူပ်းၶႃႈႁၢပ်ႇၵၢၼ်ၵူၼ်းမိူင်းဝဵင်းမေႃႇလမျႅင်ႇ သေလၢတ်ႈဝႃႈ ၸုမ်းယိပ်းၵွင်ႈၵၢင်ႇၸၢဝ်းၶိူဝ်းၸဵမ်ဢဝ်ၸုမ်းၵိုတ်းတိုၵ်းလႄႈ ၸုမ်းတိုၵ်ႉယိုဝ်းယူႇၸိူဝ်းၼႆႉ ဢမ်ႇမီးၵတိသဵတ်ႉၸႃႇတေႃႇၸိုင်ႈမိူင်း တူၺ်းပုၼ်ႈပၢင်ႈပၢႆးမၢၵ်ႈမီးၸဝ်ႈၵဝ်ႇသေ ႁူမ်ႈမိုဝ်းၵၼ်တင်းၸုမ်းၵႃႉၶၢႆၼွၵ်ႈမၢႆမီႈၵူၺ်းလႄႈ ၸိုင်ႈမိူင်းဢမ်ႇလႆႈၶွၼ်ႇ ဝႃႈၼႆ။ ဝၼ်းတီႈ 16/11/2025 ယၢမ်းၵၢင်ၶမ်ႈ ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ ႁူပ်ႉထူပ်းၵူၼ်းမိူင်းတီႈဝဵင်းမေႃႇလမျႅင်ႇသေလၢတ်ႈထႅင်ႈဝႃႈ - “ ယွၼ်ႉပိူဝ်ႈၵၢၼ်ၵႃႉၶၢႆၼွၵ်ႈမၢႆမီႈလိူင်ႇၼမ်မႃးလႄႈ ယၢမ်းလဵဝ်လႆႈပိၵ်ႉလၢၼ်ႇလႅၼ်လိၼ်ဝႆႉၵမ်ႈၽွင်ႈ။ ၵၢၼ်ၵႃႉၶၢႆၵၢတ်ႇမိုတ်ႉၼႆႉ ႁဵတ်းႁႂ်ႈပဵၼ်ႁႅင်းလူင်တႃႇႁႂ်ႈၸုမ်းယိပ်းၵွင်ႈၵၢင်ႇၸွမ်းလႅၼ်လိၼ် မီးႁႅင်းသေသိုပ်ႇသၢႆၸႂ်လိပ်းၶီးလႆႈၶၢဝ်းႁိုင်။ တုမ်ႉတိူဝ်ႉလွင်ႈၵတ်းယဵၼ်ၼိမ်တဵင်ႈ”- ဝႃႈၼႆ။ သိုၵ်းမၢၼ်ႈလၢတ်ႈဝႃႈ -...