ဝၢႆးလင်ပၢင်တိုၵ်းၽႅၼ်ယၼ်ႇသိုၵ်း 1027 မႃး သိုၵ်းမၢၼ်ႈယိုတ်းမိူင်း တင်း သိုၵ်းၶၢင် (KIA) ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းမိူင်းၶၢင် လႄႈၽႄႈလၢမ်းၸွတ်ႇထိုင် ၸွမ်းလႅၼ်လိၼ်ၵႂႃႇသေ ၾၢႆႇလူင်ပွင်ၸိုင်ႈမိူင်းၶႄႇ လႆႈဢိုတ်းပႅတ်ႈ ၽၵ်းတူၶၢမ်ႈ လႅၼ်လိၼ်မိူင်းၶႄႇ ဢၼ်တိတ်းၸပ်းၵၼ်ဝႆႉတင်းမိူင်းၶၢင်ၼၼ်ႉ ႁိုင်ၶၢဝ်းတၢင်းမွၵ်ႈ 1 ပီ။ ၽၵ်းတူၶၢမ်ႈလႅၼ်လိၼ်မိူင်းၶၢင်-မိူင်းၶႄႇ ၸိူဝ်းၺႃးလူင်ပွင်ၸိုင်ႈမိူင်းၶႄႇဢိုတ်းႁပ်းၵႂႃႇၼၼ်ႉ ပဵၼ်တီႈ ၵၢၼ်ႇပၢႆႉတီႇ၊ လၢႆႇၸႃႇ၊ မၢႆၵျႃယၢင်...