ၽွင်းလူင်ၾၢႆႇသၽႃႇဝ လႄႈ ၾိင်ႈတိုၼ်းပဵၼ်ဝႃႈ တႃႇတေပၼ်ၶႂၢင်ႉၵူၼ်းမိူင်းသူႈ ၶုတ်းသႅင်ၼၼ်ႉ တေႃႈလဵဝ် တိုၵ်ႉငူပ်ႉငီႉၵၼ်ယူႇ

တွၼ်ႈတႃႇၵူၼ်းမိူင်းသူႈ တေၸၢင်ႈလႆႈၶုတ်းသႅင် ၼႂ်းပိုၼ်ႉတီႈ ႁႃလဵင်ႉတွင်ႉ ၽႂ်မၼ်းလွတ်ႈလွတ်ႈလႅဝ်းလႅဝ်းၼၼ်ႉ ယူႇတီႈလူင်ပွင်ၸိုင်ႈမိူင်းတႆးတိုၵ်ႉဢုပ်ႇ တၢင်းလူင်ပွင်ၸိုင်ႈမိူင်းႁူမ်ႈတုမ်ဝႆႉယူႇ ဝႃႈၼႆ။ ၸၢႆးလိၼ်းမျၢတ်ႉ ၽူႈတႅၼ်းသၽႃးၸႄႈမိူင်း ၶဵတ်ႇလိူၵ်ႈတင်ႈ မၢႆ 1 ၸႄႈဝဵင်းမိူင်းသူႈ တွင်ႇထၢမ် ၼႂ်းသၽႃးၸႄႈမိူင်း တႆး တီႈဝဵင်းတူၼ်ႈတီး မိူဝ်ႈဝၼ်းတီႈ 13/12/2018 ၼၼ်ႉဝႃႈ ၸွင်ႇမီးၽႅၼ်ၵၢၼ်တႃႇၶပ်းၶိုင်ပၼ်ၵူၼ်းမိူင်းသူႈ လႆႈ ၶုတ်းသႅင် ႁႃလဵင်ႉတွင်ႉ...