ၽူႈၼင်ႈၸိုင်ႈ CSSU တူၵ်ႇတၵ်ႉဝႃႈ ပေႃးသိုၵ်းတႆးဢမ်ႇၽွမ်ႉၵၼ်ၶိူဝ်းတႆးၸၢင်ႈဝၢႆးႁၢႆ

လုင်းၸၢႆးဢၢႆႈပဝ်း ႁူဝ်ပဝ်ႈပႃႇတီႇသိူဝ်ၽိူၵ်ႇ ၽူႈၼင်ႈၸိုင်ႈၵေႃပွင်ၵၢၼ်ၽွမ်ႉႁူမ်ႈၸိုင်ႈတႆး CSSU တူၵ်ႇလၢတ်ႈဝႃႈ ပေႃးသိုၵ်းတႆးဢမ်ႇၽွမ်ႉၵၼ် ဢမ်ႇပၼ်လွင်ႈႁူမ်ႇလူမ်ႈၵူၼ်းမိူင်းလႆႈၸိုင် ၶိူဝ်းႁဝ်း ၸၢင်ႈဝၢႆးႁၢႆ။ ဝၼ်းတီႈ 29/11/2018 လုင်းၸၢႆးဢၢႆႈပဝ်း ႁူဝ်ပဝ်ႈပႃႇတီႇသိူဝ်ၽိူၵ်ႇ SNDP ပဵၼ်ပႃးၽူႈၼင်ႈၸိုင်ႈ CSSU တူၵ်ႇလၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ - ၼႂ်းဝူင်ႈဝၢင်ႈၼႆႉ ႁဝ်းလႆႈတႅမ်ႈလိၵ်ႈထိုင်တပ်ႉသိုၵ်းတႆး 2 တပ်ႉသိုၵ်း ၵဵဝ်ႇလူၺ်ႈပၼ်ႁႃဢၼ်ပဵၼ်ယူႇယၢမ်းလဵဝ်ၼႆႉ ႁႂ်ႈႁူဝ်ပဝ်ႈလူင်သွင် ၸဝ်ႈတူၺ်းႁၼ်...