ၽူႈၼင်ႈၸိုင်ႈ CSSU တိုၵ်းသူၼ်းႁႂ်ႈၵူၼ်းမိူင်းတၢင်ႇယွၼ်းႁဵတ်းဝႂ်တီႈလိၼ်ဝႆးဝႆး

လုင်းၸၢႆးဢၢႆႈပဝ်း ႁူဝ်ပဝ်ႈပႃႇတီႇသိူဝ်ၽိူၵ်ႇ SNDP တိုၵ်းသူၼ်းႁႂ်ႈၵူၼ်းဝၢၼ်ႈ ၵူၼ်းမိူင်း ဢွၼ်ၵၼ်သႂ်ႇၸႂ်တၢင်ႇယိုၼ်ႈယွၼ်းႁဵတ်းဝႂ်တီႈလိၼ် ႁႂ်ႈၶိုတ်းတၼ်း ၸွမ်းၼင်ႇၶၢဝ်းယၢမ်းဢၼ်လူင်ပွင်ၸိုင်ႈမၵ်းမၼ်ႈဝႆႉ။ လုင်းၸၢႆးဢၢႆႈပဝ်း ႁူဝ်ပဝ်ႈပႃႇတီႇသိူဝ်ၽိူၵ်ႇ SNDP ပဵၼ်ပႃးၽူႈၼင်ႈၸိုင်ႈၵေႃပွင်ၵၢၼ်ၽွမ်ႉႁူမ်ႈၸိုင်ႈတႆး CSSU တူၵ်ႇလၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈမိူဝ်ႈဝၼ်းတီႈ 29/11/2018 ဝႃႈ ၵၢပ်ႈပၢၼ်ဝၢၼ်ႈမိူင်းမိူဝ်ႈလဵဝ်ၼႆႉ ပိူၼ်ႈဢဝ်ပၵ်းပိူင်ပဵၼ်ယႂ်ႇ ႁဝ်းတေသၢၼ်ၶတ်းပိူၼ်ႈၵေႃႈဢမ်ႇၸၢင်ႈၵွပ်ႈၼၼ်လႄႈ ၼင်ႇႁိုဝ်ႁဝ်းတေဢမ်ႇထူပ်းတၢင်းယၢပ်ႇမိူဝ်းၼႃႈၼၼ်ႉ ႁႂ်ႈ ႁဝ်း ၶႃႈႁဵတ်းၸွမ်းၼင်ႇဢၼ်ပၵ်းပိူင်လူင်ပွင်ၸိုင်ႈ တမ်းဝၢင်းဝႆႉၼၼ်ႉသေၵမ်း ၼင်ႇႁိုဝ်ႁဝ်းၶႃႈတေဢမ်ႇထူပ်းတၢင်းယၢပ်ႇ...