Friday, March 29, 2024

ၽူႈၼင်ႈၸိုင်ႈ CSSU တိုၵ်းသူၼ်းႁႂ်ႈၵူၼ်းမိူင်းတၢင်ႇယွၼ်းႁဵတ်းဝႂ်တီႈလိၼ်ဝႆးဝႆး

Must read

လုင်းၸၢႆးဢၢႆႈပဝ်း ႁူဝ်ပဝ်ႈပႃႇတီႇသိူဝ်ၽိူၵ်ႇ SNDP တိုၵ်းသူၼ်းႁႂ်ႈၵူၼ်းဝၢၼ်ႈ ၵူၼ်းမိူင်း ဢွၼ်ၵၼ်သႂ်ႇၸႂ်တၢင်ႇယိုၼ်ႈယွၼ်းႁဵတ်းဝႂ်တီႈလိၼ် ႁႂ်ႈၶိုတ်းတၼ်း ၸွမ်းၼင်ႇၶၢဝ်းယၢမ်းဢၼ်လူင်ပွင်ၸိုင်ႈမၵ်းမၼ်ႈဝႆႉ။

- Subscription -

လုင်းၸၢႆးဢၢႆႈပဝ်း ႁူဝ်ပဝ်ႈပႃႇတီႇသိူဝ်ၽိူၵ်ႇ SNDP ပဵၼ်ပႃးၽူႈၼင်ႈၸိုင်ႈၵေႃပွင်ၵၢၼ်ၽွမ်ႉႁူမ်ႈၸိုင်ႈတႆး CSSU တူၵ်ႇလၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈမိူဝ်ႈဝၼ်းတီႈ 29/11/2018 ဝႃႈ ၵၢပ်ႈပၢၼ်ဝၢၼ်ႈမိူင်းမိူဝ်ႈလဵဝ်ၼႆႉ ပိူၼ်ႈဢဝ်ပၵ်းပိူင်ပဵၼ်ယႂ်ႇ ႁဝ်းတေသၢၼ်ၶတ်းပိူၼ်ႈၵေႃႈဢမ်ႇၸၢင်ႈၵွပ်ႈၼၼ်လႄႈ ၼင်ႇႁိုဝ်ႁဝ်းတေဢမ်ႇထူပ်းတၢင်းယၢပ်ႇမိူဝ်းၼႃႈၼၼ်ႉ ႁႂ်ႈ ႁဝ်း ၶႃႈႁဵတ်းၸွမ်းၼင်ႇဢၼ်ပၵ်းပိူင်လူင်ပွင်ၸိုင်ႈ တမ်းဝၢင်းဝႆႉၼၼ်ႉသေၵမ်း ၼင်ႇႁိုဝ်ႁဝ်းၶႃႈတေဢမ်ႇထူပ်းတၢင်းယၢပ်ႇ ၼၼ်ႉ ဝႃႈၼႆ။

“ ပၵ်းပိူင်လွင်ႈတီႈလိၼ်ၼႆႉ လူင်ပွင်ၸိုင်ႈပိူၼ်ႈမီးပိူင်မၼ်းဝႆႉယဝ်ႉလူး ႁဝ်းတေၵႂႃႇသၢၼ်ၶတ်းပိူၼ်ႈၵေႃႈဢမ်ႇငၢႆႈ ၵွပ်ႈၼၼ်လႄႈ ၼင်ႇႁိုဝ်ႁဝ်းတေဢမ်ႇယၢပ်ႇၸႂ်မိူဝ်းၼႃႈၼၼ်ႉ ဢွၼ်ၵၼ်ၼႅတ်ႈ ၶတ်းၸႂ်ၵႂႃႇတၢင်ႇယိုၼ်ႈယွၼ်းႁဵတ်းဝႂ်တီႈလိၼ်ၽႂ်မၼ်းဝႆးဝႆးသေၵမ်း ” လုင်းၸၢႆးဢၢႆႈပဝ်း တိုၵ်း သူၼ်းၼင်ႇၼႆ။

မၢႆမီႈမႂ်ႇၼႆႉပိုၼ်ၽၢဝ်ႇမိူဝ်ႈလိူၼ်ထူၼ်ႈ 9 သေပေႃးလိူၼ်ထူၼ်ႈ 3 ပီ2019 ၼႆႉတဵမ်ၶၢဝ်းယၢမ်း 6 လိူၼ်။ ၵူၼ်းၼုမ်ႇၾၢႆႇတူင်ႉ ၼိုင်ၵဵဝ်ႇၵပ်းလိၼ်သူၼ်ႁႆႈၼႃးတိုၵ်းသူၼ်းဝႃႈ – ႁႂ်ႈၸဝ်ႈသူၼ်ၸဝ်ႈၼႃးၸိူဝ်းပႆႇ မီးဝႂ်တီႈလိၼ်ၼၼ်ႉ ႁိပ်ႈၼႅတ်ႈၵႂႃႇတီႈ ႁွင်ႈၵၢၼ်ၾၢႆႇၼႃႈလိၼ်(မျေႇၸယိၼ်း) ဝဵင်းၽႂ်မၼ်းသေ ဢုပ်ႇလၢတ်ႈတွင်ႈ ထၢမ်ယွၼ်းဝႂ်ၾွမ်ႊ တႃႇထႅမ်ၶေႃႈမုလ်း တႃႇယွၼ်းဝႂ်ၾွမ်ႊ 7 (ပူင်ႇၸၢမ်ႇ 7)။

ၵဵဝ်ႇၵပ်းပၼ်ႁႃတီႈလိၼ်ၼႆႉသေ ၽူႈတႅၼ်းသၽႃးၸႄႈမိူင်းမၢႆ 1 မိူင်းၼၢႆး ၸၢႆးမွၼ်းလိူၼ် ယၢမ်ႈလၢတ်ႈ တီႈၽူႈတွႆႇႁွၵ်ႈဝႃႈ ဢၼ်လူင်ပွင်ၸိုင်ႈၸႂ်ႉမၢႆမီႈဢၼ်ၼႆႉဢမ်ႇတူၵ်းထုၵ်ႇ ၵူၼ်းမိူင်းၵႂႃႇယွၼ်းဝႂ်တီႈလိၼ်ပိူင် 7 ၵေႃႈသမ်ႉဢမ်ႇလႆႈမူတ်း ဝႂ်တီႈလိၼ်ၼၼ်ႉၵေႃႈပွင်ႇဝႃႈပၼ်ၶႂၢင်ႉႁဵတ်းၵူၺ်း ၸဝ်ႈသူၼ်ၼႃးဢမ်ႇၸႂ်ႈၸဝ်ႈၶွင်။ တွၼ်ႈတႃႇၸဝ်ႈႁႆႈၸဝ်ႈၼႃးမိူင်းတႆး တၵ်းလႆႈမီးသုၼ်ႇလႆႈ တႅပ်းတတ်းပိူင်တီႈလွၵ်းပိူင် ႁိတ်ႈႁွႆးၸဝ်ႈၵဝ်ႇမီး ဓလေထုံတမ်းမြေယာဥပဒေ ၼၼ်ႉလီသေပိူၼ်ႈယဝ်ႉ – ဝႃႈၼႆ။

ၼႂ်းမၢႆမီႈမႂ်ႇၼၼ်ႉပႃးဝႆႉဝႃႈ- တီႈလိၼ်ဢၼ်ဢမ်ႇမီးဝႂ်သင်ၼၼ်ႉ ပေႃးပူၼ်ႉၶၢဝ်းယၢမ်း 6 လိူၼ် တေပဵၼ်ၶွင်ၸိုင်ႈမိူင်းသေ ၽႂ်တေဢမ်ႇလႆႈမႃးၽုၵ်ႇသွမ်ႈၵိၼ်။ ၽႂ်ၽူႈလႂ်ပူၼ်ႉပႅၼ်ၽုၵ်ႇသွမ်ႈၸိုင် တၵ်းၺႃးတူတ်ႈ တၢမ်ႇမႂ်ငိုၼ်းဢမ်ႇ ၼၼ်တူတ်ႈၶွၵ်ႈ – ဢမ်ႇၼၼ်တင်းတူၵ်းၶွၵ်ႈလႄႈ မႂ်ငိုၼ်းဝႃႈၼႆ။ မိူဝ်ႈပၢၼ်လူင်ပွင်ၸိုင်ႈတဵင်းၸဵင်ႇၼၼ်ႉတႄႉ ပိုၼ် ၽၢဝ်ႇၸူးတပ်ႉသိုၵ်းဝႃႈ လိၼ်ဢၼ်သိုၵ်း ယိုတ်းဝႆႉၼၼ်ႉ ပေႃးဢမ်ႇပဵၼ်ၸႂ်ႉ ႁႂ်ႈၸႅၵ်ႇပၼ်ၵူၼ်းမိူင်းၶိုၼ်း ဝႃႈၼႆဝႆႉ လူးၵွၼ်ႇ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း