တီႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်း ၽွင်းၵူၼ်းမိူင်းပၢႆႈၽေးသိုၵ်းယူႇၼၼ်ႉ ၽူႈလၵ်ႉလိူင်ႇၼမ်ႁၢႆႉႁႅင်း ၶဝ်ႈယႃႉသွၵ်ႈတဝ်ဢဝ်ၶူဝ်းၶွင် ႁဵတ်းႁႂ်ႈၵူၼ်းပၢႆႈၽေးသိုၵ်း မႆႈၸႂ်ႁိူၼ်းယေးၸဝ်ႈၵဝ်ႇ။ ဝၼ်းတီႈ 06/08/2024 မီးၶၢဝ်ႇလိုဝ်းဝႃႈ ၸုမ်းယိပ်းၵွင်ႈၵၢင်ႇ ၼႂ်းပိုၼ်ႉတီႈ ၸႂ်ႉပၢႆႈၼႆလႄႈ ၵူၼ်းမိူင်း ၼႂ်းဝဵင်းသီႇသႅင်ႇ ဢွၼ်ၵၼ်ပၢႆႈၽေးသိုၵ်း။ ၽွင်းၵူၼ်းမိူင်း ဢမ်ႇယူႇႁိူၼ်းၼၼ်ႉ ၽူႈလၵ်ႉၶဝ်ႈယႃႉႁိူၼ်းယေး ဢဝ်ၶူဝ်းၶွင်ဢၼ်မီးၵႃႈ ၶၼ် ၵႂႃႇမူတ်းၼႆ ၵူၼ်းမိူင်းသီႇသႅင်ႇ ဢၼ်လႆႈပၢႆႈၽေးသိုၵ်းဝႆႉၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈ...