ၽူႈတႅၼ်းသႅၼ်ဝီ ယိုၼ်ႈယွၼ်းတၢင်းၸွႆႈထႅမ်တီႈလူင်ပွင်ၸိုင်ႈ ႁႂ်ႈသၢႆႈတႅၼ်းပၼ်ၶိုၼ်း ရူတ်ႉၵႃးၵူၼ်းမိူင်းၺႃးၽဝ်

ၽူႈတႅၼ်းသၽႃးသႅၼ်ဝီ တွင်ႈထၢမ် ၼႂ်းပၢင်ၵုမ်သၽႃးမိူင်းတႆး ၸွင်ႇတေမီးၽႅၼ်ၵၢၼ် ၸွႆႈပၼ်ၵူၼ်းမိူင်းၸဝ်ႈရူတ်ႉၵႃး ၺႃးၽဝ်လူႉသုမ်းယွၼ်ႉပၢင်တိုၵ်း ၼႂ်းၸိုင်ႈတႆးပွတ်းႁွင်ႇၼၼ်ႉ ဝႃႈၼႆ။ ဝၼ်းတီႈ 18/9/2019 ပၢင်ၵုမ်သၽႃးၸႄႈမိူင်းတႆး ပွၵ်ႈၵမ်း 2 ၵမ်းထူၼ်ႈ 16 ၸတ်းႁဵတ်းတီႈလုမ်းသၽႃးၸႄႈမိူင်းတႆး ၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ယူႇတီႈၼၢင်းၶိၼ်ႇထႃးယီႇ ၽူႈတႅၼ်းသၽႃးၸႄႈမိူင်း ၶဵတ်ႇလိူၵ်ႈ တင်ႈမၢႆ 1 ၸႄႈဝဵင်းသႅၼ်ဝီ တွင်ႈထၢမ်(ကြယ်ပွင့်ပြမေးခွန်း)...