ၽူဝ်ႇရမ်ႇလွင်ႈငမ်းယဵၼ်ၸုမ်းတူင်ႉၼိုင်တူင်ႇဝူင်းၵူၼ်း ၸိုင်ႈတႆး တုၵ်းယွၼ်း ႁႂ်ႈႁူဝ်ၼႃးၸုမ်း ယိပ်းၵွင်ႈၵၢင်ႇၼႂ်းမိူင်း တႆးႁူပ်ႉၵၼ် ဢုပ်ႇဢူဝ်းၵႄႈလိတ်ႈ

ၸုမ်းတူင်ႉၼိုင်တူင်ႇဝူင်းၵူၼ်း ၸိုင်ႈတႆး ဢွၵ်ႇၶေႃႈပိုၼ်ၽၢဝ်ႇ တိုၵ်းသူၼ်း ႁႂ်ႈႁူဝ်ၼႃႈၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း ႁူပ်ႉဢုပ်ႇၵၼ်လႄႈ ၵိုတ်းပၢင်တိုၵ်းၽႂ်းၽႂ်း ယွၼ်ႉ ၵူၼ်းမိူင်းလႆႈတူၵ်းပဵၼ်ယိူဝ်ႇ လူႉတၢႆ ႁၢႆလၢႆ ယွၼ်ႉပၢင်တိုၵ်းသိုၵ်း သိူဝ်တင်းၼမ်လၢႆ။ ဝၼ်းတီႈ 28-29/11/2018 တူဝ်တႅၼ်းၸုမ်းတူင်ႉၼိုင်တူင်ႇဝူင်းၵူၼ်းၼႂ်းၸိုင်ႈတႆး လၢႆလၢႆၸႄႈဝဵင်း ႁူဝ်ၵူၼ်း 100 ပၢႆ ႁူပ်ႉဢုပ်ႇၵၼ် တီႈႁူင်းႁႅမ်းတူၼ်ႈတီး ၼႂ်းၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း။...