“ပၢင်လိူၵ်ႈတင်ႈၼႆႁႃႉ ႁဝ်းတႄႉတိုၼ်းဢမ်ႇဝူၼ်ႉတႃႇၵႂႃႇပၼ်မႄးႁႄဢိတ်းလႃႈ။ သူၼ်ၵေႃႈ ဢမ်ႇသူၼ်ၸႂ်၊ ဢမ်ႇတိုၼ်ႇတဵၼ်ႈၸွမ်းသင်။ ၵၢင်ၸႂ်ဢၼ်ၶႂ်ႈသႂ်ႇၶႅပ်းၵၢင်ၸႂ်ပၼ်တေႉတေႉၼၼ်ႉၵေႃႈ ဢမ်ႇမီးသေဢိတ်း” ၼႆ ၼၢင်းမၢတ်ႈ ၵူၼ်းၼုမ်ႇၵေႃႉတူင်ႉၼိုင်ႁဵတ်းၵၢၼ်တူင်ႇဝူင်းၵူၼ်း ၼႂ်းမိူင်းတႆးပွတ်းႁွင်ႇၵေႃႉၼိုင်ႈ ပိုတ်ႇဢူၵ်းပိုတ်ႇၸႂ် ပၢႆးၼႄတၢင်းႁၼ်ထိုင်မၼ်းဝႆႉၼင်ႇၼႆ။ သိုၵ်းမၢၼ်ႈယိုတ်းမိူင်း ဢၼ်မိၼ်းဢွင်ႇလၢႆႇဢွၼ်ႁူဝ်ဝႆႉၼႆႉ ဢဝ်ၶေႃႈဢၢင်ႈလွင်ႈဝၢၼ်ႈမိူင်းသုၵ်ႉဢူၼ် ပဵၼ်ပၢင်တိုၵ်းသိုၵ်းသိူဝ် ဢၼ်ၵိူတ်ႇပဵၼ်ပတ်းပိုၼ်ႉတူဝ်ႈၸိုင်ႈမိူင်းၼၼ်ႉ ႁဵတ်းၼႃႈတိူဝ်ႈသေ ၶိုင်ပွင်ၸတ်းႁဵတ်း ပၢင်လိူၵ်ႈတင်ႈ ပီ 2025 ၼႆႉ...