သိုၵ်းမၢၼ်ႈလွၵ်ႇငိုတ်ႈၵူၼ်းမိူင်းလွႆၶေႃ မိူင်းယၢင်းလႅင်ဝႃႈ တွၼ်ႈတႃႇပၢင်လိူၵ်ႈတင်ႈဢၼ်တေၸတ်းႁဵတ်းၼႂ်းႁၢင်လိူၼ်ၻီႊသႅမ်ႊပိူဝ်ႊၼႆႉ သင်ဢမ်ႇၵႂႃႇသႂ်ႇၶႅပ်းၵၢင်ၸႂ်ၼႆၸိုင် တေဢမ်ႇဢဝ်ပုၼ်ႈၽွၼ်းလွင်ႈႁူမ်ႇလူမ်ႈပၼ် ၼႆသေ ၸႂ်ႉၵႂႃႇပၼ်ၶႅပ်းၵၢင်ၸႂ်လူင်ႈၼႃႈၼႆယဝ်ႉ ။ တႄႇႁူဝ်လိူၼ် တီႊသႅမ်ႊပိူဝ်ႊ ၼႆႉမႃး ႁွင်ႈၵၢၼ်ၾၢႆႇၵူတ်ႇထတ်းၵူၼ်းၶဝ်ႈမိူင်း လဝၵ ၵဵပ်းဢဝ်သဵၼ်ႈမၢႆမုင်ႉႁေႃႁိူၼ်း ၵူၼ်းမိူင်းၼႂ်းဝဵင်းလွႆၶေႃသေ ပိုၼ်ၽၢဝ်ႇတႃႇမႃးပၼ်ၶႅပ်းၵၢင်ၸႂ် ၊ သင်ဢမ်ႇၵႂႃႇပၼ်ၶႅပ်းၵၢင်ၸႂ် တွၼ်ႈတႃႇပၢင်လိူၵ်ႈတင်ႈၼႆၸိုင် တေဢမ်ႇဢဝ်ပုၼ်ႈၽွၼ်းပၼ် လွင်ႈႁူမ်ႇလူမ်ႈသင်ၼႆ လွၵ်ႇငိုတ်ႈပႃးထႅင်ႈၼင်ႇၼႆ ။ ၼၢင်းယိင်းၵူၼ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ၵၢင်ႉၵႄႇၼႂ်းပွၵ်ႉလႄႇလမ်းႁႃလၢတ်ႈ မၢႆဢၼ်တေလႆႈၵႂႃႇ...