ၼႂ်းဝၼ်းတီႈ 6/9/2024 ၼႆႉ သိုၵ်းမၢၼ်ႈၼမ်ႉလၼ်ႈ ယိုဝ်းမၢၵ်ႇလူင်ၵႂႃႇတူၵ်း သႂ်ႇၼႂ်းပွၵ်ႉၵိဝ်ႇတေႃး  တိူဝ်ႉၵူၼ်းဝၢၼ်ႈၵေႃႉၼိုင်ႈၽွင်းၵႂႃႇလဵင်ႉၵႂၢႆး ၵူၼ်းမၢတ်ႇၸဵပ်းၵႂၢႆးတႄႉတၢႆထင်တီႈ ။ ၵူၼ်းမိူင်းဝဵင်းၼမ်ႉလၼ်ႈလၢတ်ႈတီႈၽူႈတွႆႇႁွၵ်ႈဝႃႈ - “ပဵၼ်မၢၵ်ႇသိုၵ်းမၢၼ်ႈပွႆႇမႃးမိူဝ်ႈယၢမ်းၵၢင်ဝၼ်း 11 မူင်းၶႃႈဢေႃႈ။ ၵူၼ်းဝၢၼ်ႈၵိဝ်ႇတေႃး ၸၢဝ်းၶႄႇ ၼၼ်ႉသမ်ႉတိုၵ်ႉၵႂႃႇလဵင်ႉၵႂၢႆး။ မၢၵ်ႇမႃးတူၵ်းသႂ်ႇႁိမ်းမၼ်းၶႃႈဢေႃႈ ၵႂၢႆးမၼ်းတေႉတၢႆၵမ်းလဵဝ်ယဝ်ႉၶႃႈ။ ၵူၼ်းလဵင်ႉၵႂၢႆးၼၼ်ႉ ၸၢၵ်ႇမၢၵ်ႇတိူဝ်ႉသႂ်ႇတီႈပိၵ်ႇၵႇႇမၼ်း။  လုပ်ႇပိၵ်ႇၵႆႇမၼ်းႁၵ်းၵႂႃႇ။ လႆႈဢဝ်ၵႂႃႇႁူင်းယႃလူင်သေ ပိူၼ်ႈၽႃႇဢဝ်ၸၢၵ်ႇမၢၵ်ႇၸိူဝ်းၶမ်ဝႆႉၸွမ်းပိၵ်ႇၵႆႇ ၵွင်းလင်...