ၸွမ်ၽွင်းလူင်မိူင်းတႆး ဝႃႈလွင်ႈၽွင်းလူင်ၵဝ်ႇၵေႃႉၼိုင်ႈ ၺႃးၸီႉၼႄးၵိၼ်သူးၵိၼ်လၢပ်ႈၼၼ်ႉ ဢမ်ႇၸႂ်ႈ

လူင်ပွင်ၸိုင်ႈမိူင်းတႆး ၸတ်းႁဵတ်းပၢင်သပ်းၸႅင်ႈၶၢဝ်ႇ တႃႇၼႃႈၵၢၼ်တႃငၢၼ်း ပီတီႈ 3 လူင်ပွင်ၸိုင်ႈ။ ပၢင်သပ်းၸႅင်ႈ ၶၢဝ်ႇႁဵတ်းတီႈ ဝဵင်းတူၼ်ႈတီး ၸိုင်ႈတႆးပွတ်းၸၢၼ်း မီးၽူႈသိုဝ်ႇၶၢဝ်ႇၶဝ်ႈႁူမ်ႈတင်းၼမ်။ ဝၼ်းတီႈ 14/06/2019 လူင်ပွင်ၸိုင်ႈမိူင်းတႆး ၸတ်းႁဵတ်းပၢင်သပ်းၸႅင်ႈၶၢဝ်ႇ တီႈႁူင်းႁေႃ ၸႄႈဝဵင်းတူၼ်ႈတီး ၸိုင်ႈတႆး ပွတ်းၸၢၼ်း ယူႇတီႈၸုမ်းၶၢဝ်ႇၽူႈတွႆႇႁွၵ်ႈ လႆႈတွင်ႈထၢမ်ဝႆႉဝႃႈ “ ၼႂ်းၸုမ်းလူင်ပွင်ၸိုင်ႈမိူင်းတႆးၼႆႉ မီးၽွင်းလူင်ၵေႃႉ ၼိုင်ႈ...