ၸုမ်းယိပ်းၵွင်ႇၵၢင်ႇ ၶဝ်ႈၸူၼ်ၼႂ်းႁိူၼ်းၵူၼ်းဝၢၼ်ႈ လႆႈပိုတ်းယိုဝ်းၵၼ် တင်းပလိၵ်ႈ

ၸုမ်းယိပ်းၵွင်ႈၵၢင်ႇၸုမ်းၼိုင်ႈ ပႃးၵွင်ႈၸေးမိုဝ်း ၶဝ်ႈၸူၼ်ႁိူၼ်းၵူၼ်းဝၢၼ်ႈတီႈပွၵ်ႉဢွင်ႇမဵတ်ႉတႃႇ ဝဵင်းၼမ်ႉၶမ်း ၸူၼ်ၸဝ်ႈ ႁိူၼ်းယဝ်ႉသေ လႆႈမီးလွင်ႈပိုတ်းယိုဝ်းၵၼ် တင်းပလိၵ်ႈၼမ်ႉၶမ်း လွင်ႈၵူၼ်းမၢတ်ႇၸဵပ်းလူႉတၢႆ ဢမ်ႇမီး။ ဝၼ်းတီႈ 01/05/2019 ယၢမ်းၵၢင်ဝၼ်း မွၵ်ႈ 12 မူင်းၼၼ်ႉ ၸုမ်းယိပ်းၵွင်ႈၵၢင်ႇ ၸုမ်းၼိုင်ႈ ဢဵၼ်ႁႅင်းၵူၼ်း မွၵ်ႈ 6 ၵေႃႉ သႂ်ႇၶူဝ်းၵူၼ်းႁိူၼ်း ပႃးၵွင်ႈၸေးမိုဝ်းၵၼ် ၶဝ်ႈၸူၼ်ၼႂ်းႁိူၼ်း...