ၸုမ်းပူၵ်းပွင်သုၼ်ႇလႆႈၵူၼ်း တေၸွႆႈလုၵ်ႈမေးႁႅင်းၵၢၼ်တႆးဢၼ်ၺႃးယိုဝ်းတီႈၵဵင်းမႆႇ

ၵဝ်ႉငဝ်ႈပူၵ်းပွင်သုၼ်ႇလႆႈၵူၼ်း HRDF ဢွၵ်ႇလိၵ်ႈပိုၼ်ၽၢဝ်ႇ လွင်ႈဢၼ်လႆႈၸွႆႈထႅမ်ၸၢႆးသၢင်ႇယဵၼ်ႇ ႁႅင်းၵၢၼ်တႆးဢၼ်ၺႃးပေႃႈလဵင်ႉထႆးၶႃႈႁႅမ်ယဝ်ႉၾင်လိၼ်ပႅတ်ႈ  တီႈမႄႈၸႅမ်ႇ ၵဵင်းမႆႇ ၸိုင်ႈထႆးၼၼ်ႉသေဢမ်ႇၵႃး တေသိုပ်ႇၸွႆႈထႅမ်ၵႂႃႇထႅင်ႈမိူဝ်းၼႃႈ။ ဝၼ်းတီႈ 29/08/2018 ၵဝ်ႉငဝ်ႈပူၵ်းပွင်သုၼ်ႇလႆႈၵူၼ်း HRDF ဢွၵ်ႇလိၵ်ႈပိုၼ်ၽၢဝ်ႇလွင်ႈဢၼ်လႆႈၸွႆႈထႅမ် ၸၢႆးသၢင်ႇယဵၼ်ႇ ႁႅင်းၵၢၼ်တႆးဢၼ်ၺႃးၶႃႈတၢႆၼၼ်ႉသေ ဢမ်ႇၵႃး တေၸွႆႈထႅမ်ပၼ်ပႃးပီႈၼွင်ႉလုၵ်ႈမေး ၸၢႆးသၢင်ႇယဵၼ်ႇ ႁႂ်ႈလႆႈလွင်ႈၽဵင်ႇပဵင်းပဵၼ်ထမ်း ႁႂ်ႈလႆႈႁပ်ႉလွင်ႈၵမ်ႉၸွႆႈၶိုၼ်းတႃႇယူႇတႃႇၵိၼ်ၵႂႃႇမိူဝ်းၼႃႈ။ လိူဝ် ၼၼ်ႉ ၵေႃႉပူၼ်ႉပႅၼ်ႁဵတ်းၽိတ်းၵေႃႈ ၼင်ႇႁိုဝ်တေလႆႈႁပ်ႉတူတ်ႈၼင်ႇပၵ်းပိူင်မၢႆမီႈမီးဝႆႉၼၼ်ႉ...