ၼႂ်းၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်းၼႆႉ ၼဵင်ႈဢွၵ်ႇပူင်းႁၢင်ႈလီသေတႃႉ ပီၼႆႉၼဵင်ႈမႂ်ႇ ဢမ်ႇ ပေႃးဢွၵ်ႇၼမ် လိူဝ်ၼၼ်ႉ ၶၼ်ၼဵင်ႈႁႅင်ႈၵေႃႈ လူတ်းယွမ်းလူင်းၵူႈဝၼ်းလႄႈ ၸဝ်ႈသူၼ်ၶဝ် ဢမ်ႇ လႆႈၼမ်ႉမႅတ်ႈၼမ်ႉတွၼ်းသင်။ ယၢမ်းလဵဝ် ၶၼ်ၼဵင်ႈႁႅင်ႈၼႆႉ လုၵ်ႉတီႈ ၼိုင်ႈၸွႆႉ 2 မိုၼ်ႇပၢႆ ယွမ်းလူင်းထိုင် မိုၼ်ႇပၢႆၵူၺ်းယဝ်ႉ ဝႃႈၼႆ။ ၸဝ်ႈသူၼ်ၼဵင်ႈ ၼႂ်းၸႄႈဝဵင်းပၢင်လွင်း လၢတ်ႈတီႈၽူႈတွႆႇႁွၵ်ႈဝႃႈ -“ၵူႈပွၵ်ႈၶၼ်ၼဵင်ႈၼႆႉ လႆႈၶၢႆ...