ၶွမ်ႊပၼီႊၶုတ်းထၢၼ်ႇႁိၼ်ၸူင်ၶုတ်းတႂ်ႈဝၢၼ်ႈလႄႈ ၵူၼ်းမိူင်းတၢင်ႉယၢၼ်း လၢတ်ႈၽူႈတႅၼ်း ၸွႆႈၵႄႈ

ၵူၼ်းမိူင်းတၢင်ႉယၢၼ်း တႅမ်ႈလိၵ်ႈတၢင်ႇထိုင် ၽူႈတႅၼ်းသၽႃး ႁႂ်ႈၸွႆႈၵႄႈလိတ်ႈ ပၼ်ႁႃ ၶွမ်ႊပၼီႊ ၶုတ်းထၢၼ်ႇႁိၼ် ၸူင်ၶုတ်းဢဝ်ထၢၼ်ႇႁိၼ် တႂ်ႈဝၢၼ်ႈတႂ်ႈသူၼ် ဢၼ်ၸၢင်ႈပဵၼ်ၽေး လိၼ်လူမ်ႇ ဝၢၼ်ႈလၼ်ႇပင်းသေ ပဵၼ်ၽေး တေႃႇသၢႆၸႂ် ႁိူၼ်းယေးၵူၼ်းဝၢၼ်ႈ။ ၼႂ်းႁၢင်လိူၼ်မေႊ 2020 ၼႆႉ ယူႇတီႈၵူၼ်းဝၢၼ်ႈတၢၵ်ႇလႅတ်ႇ ဢိူင်ႇၼႃးႁုၵ်ႇ ၸႄႈဝဵင်းတၢင်ႉယၢၼ်း ၸိုင်ႈတႆးပွတ်းႁွင်ႇ ႁူမ်ႈၵၼ် တႅမ်ႈလိၵ်ႈတုၵ်းယွၼ်းထိုင် တီႈၸၢႆးဝၼ်းလႅင်းၶမ်း...