ပေႃးထိုင်ၼႂ်းမိူင်းထႆးသေ ႁွတ်ႈၽႅဝ်ဝဵင်းၵဵင်ႈမႂ်ႇ - ၵဵင်းႁၢႆးမိူဝ်ႈလႂ်ဢမ်ႇဝႃႈ-ပေႃးလႆႈလတ်းလဵပ်ႈၵႂႃႇႁိမ်းႁုၼ်ႇႁၢင်ႈတွင်း လူင်ပေႃႈၶုၼ်မင်းရၢႆး (ၵဵင်းႁၢႆး) လႄႈသင်၊ ႁိမ်း ႁုၼ်ႇႁၢင်ႈႁေႃၶမ်းသၢမ်ၸဝ်ႈ-ပေႃႈၶုၼ်ၽႃမိူင်း၊ ပေႃႈၶုၼ်ငမ်းမိူင်းလႄႈပေႃႈၶုၼ်မင်းရၢႆး (ၵဵင်းမႂ်ႇ) လႄႈသင်-ယုၵ်ႉမိုဝ်းၼပ်ႉယမ်တၵ်ႉဝႆႈတႃႇသေႇ။ ၵွပ်ႈသင်?။ မိူင်းပိူၼ်ႈဢမ်ႇလႆႈပဵၼ်ၶီႈၶႃႈၵူၼ်းတၢင်ႇၸၢတ်ႈလႂ် ၸိူင်ႉၼင်ႇ ၵူၼ်း မိူင်းတႆး ႁဝ်းသေပိူၼ်ႈမီးဝၢၼ်ႈမီးမိူင်း ပူတ်းပွႆႇလွတ်ႈလႅဝ်းသဝ်းၶေႃ ထၢင်ႇႁၢင်ႈၵတ်းယဵၼ်ၶိုၼ်ႈယႂ်ႇမႃးၼႆႉ ၵွပ်ႈပိူဝ်ႈပိူၼ်ႈမီးၽူႈဢွၼ်ႁူဝ်လီ၊ၽူႈဢွၼ်ႁူဝ်ၵတ်ႉၶႅၼ်ႇ၊ ၽူႈဢွၼ်ႁူဝ်ၸႅတ်ႈၸၢင်ႇ၊ ၽူႈ ဢွၼ်ႁူဝ်ႁၵ်ႉၸိူဝ်ႉၸၢတ်ႈတႄႉတႄႉ-...