ဝၢႆးလင် ႁၢင်ႈလၢဝ်ထဵမ်းဢွၵ်ႇမႃး ပိုၼ်ႉတီႈသိုၵ်းဝႃႉလႄႈ သိုၵ်းမၢၼ်ႈ ႁူမ်ႈၵၼ်ၶုတ်းႁိၼ်ႁႄႈ ၼႂ်းမိူင်းတႆး ပွတ်းဢွၵ်ႇ ႁိမ်းလႅၼ်လိၼ်ထႆးၼၼ်ႉသေ ၵူၼ်းမိူင်းထႆးပွတ်းၼိူဝ် ပဵၼ်ဢၼ်တူၵ်းၸႂ်မႆႈၸႂ်တႃႇမိူဝ်းၼႃႈ လႄႈ ၼႅတ်ႈသူင်ႇလိၵ်ႈၸူး လုမ်းတၢင်မိူင်းၶႄႇလႄႈ မိူင်းမၢၼ်ႈ ႁႂ်ႈႁၢမ်ႈပၼ်လွင်ႈၼႆႉဝႆးဝႆး ဝႃႈၼႆ။ ဝၼ်းတီႈ 19/05/2025 ၸုမ်းၾၢႆႇတူင်ႇဝူင်းၵူၼ်း၊ ၾၢႆႇႁၵ်ႉသႃသိင်ႇဝႅတ်ႉလွမ်ႉ၊ ၸဝ်ႈပၢႆးမၢၵ်ႈမီး ၼႂ်းၸႄႈ တွၼ်ႈၵဵင်းႁၢႆး မိူင်းထႆး တွၼ်ႈၼိူဝ်...