ၵၢင်မၢၵ်ႇ

ဢမ်ႇမီးပၢင်တိုၵ်းသင်ၵေႃႈ သိုၵ်းမၢၼ်ႈတိုၵ်ႉၶဝ်ႈဢဝ်တီႈယူႇလႄႈ ႁၢင်ႈၵၢင်မၢၵ်ႇၸွမ်းဝၢၼ်ႈၸွမ်းသူၼ် ၵူၼ်းမိူင်းပၢႆးပႆႇၸၢင်ႈပွၵ်ႈၶိုၼ်းႁိူၼ်း။ ပၢင်တိုၵ်းတဵတ်ႇယဵၼ်ၵႂႃႇ ၶၢဝ်းတၢင်း 4 လိူၼ်ယဝ်ႉသေတႃႉ သိုၵ်းမၢၼ်ႈယိုတ်းမိူင်းတိုၵ်ႉ ၶဝ်ႈဢဝ်တီယူႇၼႂ်းပွၵ်ႉၼႂ်းဝၢၼ်ႈသေဢမ်ႇၵႃး ပၢႆႁၢင်ႈၵၢင်မၢၵ်ႇဝႆႉထႅင်ႈလႄႈ ၵူၼ်းပၢႆႈၽေးသိုၵ်းမိူင်းပၢႆး ဢမ်ႇထၢင်ႇႁၢင်ႈပွၵ်ႈၶိုၼ်းႁိူၼ်းယေး။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ သိုၵ်းၸၵၸၶဝ်ၼႆႉ တေႃႇထိုင်မိူဝ်ႈလဵဝ် တိုၵ်ႉယူႇၸွမ်းဝၢၼ်ႈၸွမ်းသူၼ်။ ၼင်ႇႁိုဝ်ၵူၼ်းမိူင်းတေဢမ်ႇၸၢင်ႈၶဝ်ႈမိူဝ်းယူႇႁိူၼ်းၶိုၼ်းၼၼ်ႉၵေႃႈ ၶဝ်ႁၢင်ႈမၢၵ်ႇဝႆႉထႅင်ႈ။ၶဝ်ႈဝႃႈတႄႉ ႁၢင်ႈမၢၵ်ႇႁေႉၸုမ်းလုၵ်ႉၽိုၼ်ႉ ၵူၺ်းၼႃႇ ႁဝ်းၵူၼ်းမိူင်းၼႆႉဢေႃႈလႆႈယၢပ်ႇ။ၾၢႆႇတူၵ်းမိူင်းၾၢႆၶုၼ်ၼၼ်ႉၵေႃႈ မီးပၢင်သဝ်းၵဝ်ႇၶဝ်ဝႆႉ ၼၼ်ႉၵေႃႈ...