ဢွၼ်ႇယိင်း ဢႃယုမွၵ်ႈ 17 ပီ ၵေႃႉၼိုင်ႈ ဢၼ်ပၢႆႈၽေးသိုၵ်းမႃးသွၼ်ႈယူႇဝႆႉ တီႈဝဵင်းလႃႈသဵဝ်ႈၼႆႉ ယၢမ်းလဵဝ် ထူပ်းတၢင်းယၢပ်ႇၽိုတ်ႇဝႆႉ တႃႇတေယူတ်းယႃတၢင်းပဵၼ်ၵွၵ်းႁူဝ်ယႂ်ႇ ၼႆႉ ယွၼ်ႉတၢင်းပဵၼ်ၼႆႉသေ သင်ဢမ်ႇၽႃႇတတ်းၸိုင် တေၸၢင်ႈႁၢဝ်ႈႁႅင်းမႃးလိူဝ်ၵဝ်ႇလႄႈ ၸၢင်ႈထူပ်းတၢင်းယၢပ်ႇၽိုတ်ႇၼမ် ၼႆယဝ်ႉ။ ၽူႈၸွႆႈထႅမ် ၵူၼ်းပၢႆႈၽေးသိုၵ်း တီႈဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၵွၵ်းႁူဝ်ဢွၼ်ႇယိင်းၼၼ်ႉ ပႃးမႃးၸဵမ်မိူဝ်ႈၵိူတ်ႇယဝ်ႉ။ ယွၼ်ႉၵွၵ်းႁူဝ်ယႂ်ႇၼႆႉသေ တေၸၢင်ႈတုမ်ႉယွၼ်ႈၸပ်းမႃးၸွမ်းတိၼ်ၸွမ်းမိုဝ်း။...