ၸိုင်ႈမိူင်းလႂ် ၸိုင်ႈမိူင်းၼၼ်ႉ ၵူၼ်းမိူင်းမုင်ႈမွင်းၶႂ်ႈမီးလူင်ပွင်ၸိုင်ႈ ဢၼ်ပၼ်လွင်ႈႁူမ်ႇလူမ်ႈလႄႈ ပၼ်လွင်ႈထၢင်ႇႁၢင်ႈလႆႈၸတ်းလႆႈပွင် ၵၢမ်ႇၵျမ်ႇမႃႇတူဝ်ၵဝ်ႇ။ ဢမ်ႇဝႃႈ ၼႂ်းၵၢၼ်ယူႇၵၢၼ်ၵိၼ် ၵၢၼ်ႁဵၼ်းၵၢၼ်သွၼ် ၵၢၼ်ၵူႈလွင်ႈလွင်ႈ ၵူၼ်းမိူင်းၵေႃႉလႂ်ၵေႃႈ ၶႂ်ႈႁႂ်ႈမၼ်းၶိုၼ်ႈယႂ်ႇမႂ်ႇသုင်လွၼ်ႉလွၼ်ႉ ။ တိူၵ်ႈတီႈဝႃႈ တူၵ်းၵမ်းၵိၼ်းမႃးၵေႃႈ ႁႂ်ႈမီးလူင်ပွင်ၸိုင်ႈ လူလွမ်တူၺ်းထိုင်ပၼ် ။ ပေႃးတူၺ်းၼႂ်းမိူင်းၸိုင်ႈထႆးၼႆ ၵၢၼ်မိူင်းယုင်ႈယူႇသေတႃႉ လူင်ပွင်ၸိုင်ႈၶဝ် ဝႆႉၵူၼ်းမိူင်းလမ်ႇလွင်ႈလႄႈဝႆႉၵႃႈၶၼ်တႄႉတႄႉ ။ တႃႇတေလူတ်းယွမ်းလႆႈ လွင်ႈတုၵ်ႉလွင်ႈယၢၵ်ႈၵူၼ်းမိူင်းၼၼ်ႉ...