ၵူၼ်းဝၢၼ်ႈၼႃးႁႆးလူင် ၵမ်ႈၽွင်ႈ လႆႈၶၢႆႉႁိူၼ်း ယွၼ်ႉၶွမ်ႊပၼီႊၶုတ်းၶမ်း

ဢိင်ၼိူဝ်လွင်ႈၶွမ်ႊပၼီႊမႃးၶုတ်းၶမ်း တီႈႁိမ်းဝၢၼ်ႈၼႃးႁႆးလူင် ၸႄႈတွၼ်ႈတႃႈၶီႈလဵၵ်းၼၼ်ႉသေ ၵူၼ်းဝၢၼ်ႈၵမ်ႈ ၽွင်ႈ လႆႈၶၢႆႉပၢႆႈလႄႈ ႁူပ်ႉလွင်ႈယၢပ်ႇၽိုတ်ႇ။ လင်ႁိူၼ်းၵူၼ်းဝၢၼ်ႈၼႃးႁႆးလူင် မွၵ်ႈ 8 လင် ႁူဝ်ၵူၼ်းမွၵ်ႈ 20 ပၢႆ ၼႂ်းၵိင်ႇၸႄႈဝဵင်းတႃႈလိူဝ်ႇ ၸႄႈဝဵင်းတႃႈၶီႈလဵၵ်း လႆႈၶၢႆႉတီႈယူႇတၼ်းသဝ်း ပၢႆႈၵႂႃႇယူႇသဝ်းတၢင်းၼွၵ်ႈဝၢၼ်ႈ။ ယွၼ်ႉပိူဝ်ႈဝႃႈ ပေႃးၾူၼ်တူၵ်းၸိုင် ၼမ်ႉၵိုင်ႉၵၢင်ႉၼွင်း လုပ်ႇထူမ်ႈႁိူၼ်းယေးတႃႇသေႇ ထိုင်တီႈဢမ်ႇၸၢင်ႈယူႇသဝ်း။ ၵူၼ်းၼုမ်ႇဝၢၼ်ႈၼႃးႁႆးလူင် ၵေႃႉၼိုင်ႈ ဢႃယု...