ၵူၼ်းဝၢၼ်ႈၼွင်တဝ်း ႁူမ်ႈၵၼ် ၵမ်ႉၸွႆႈ ပိုတ်ႇႁူင်းႁဵၼ်းၸိူဝ်ႉၸၢတ်ႈ တႃႇလုၵ်ႈဢွၼ်ႇ လႆႈႁဵၼ်းၵူႈၵေႃႉ

တႃႇႁႂ်ႈလုၵ်ႈဢွၼ်ႇလႆႈႁဵၼ်းလိၵ်ႈၵူႈၵေႃႉၼႆသေ ပီႈၼွင်ႉဝၢၼ်ႈၼွင်တဝ်း ၸႄႈဝဵင်းလွႆလႅမ် ႁူမ်ႈၵၼ်ပိုတ်ႇႁူင်းႁဵၼ်းၸိူဝ်ႉ ၸၢတ်ႈလင်ၼိုင်ႈ။ ႁူင်းႁဵၼ်းၸိူဝ်ႉၸၢတ်ႈဝၢၼ်ႈၼွင်တဝ်းၼႆႉ ယူႇၼႂ်းၸႄႈဝဵင်းလွႆလႅမ် ၸိုင်ႈတႆးပွတ်းၸၢၼ်း ဢမ်ႇပေႃးၵႆၼိူဝ်သဵၼ်ႈ တၢင်း လူင် တူၼ်ႈတီး - ပၢင်လူင်၊ မီးလုၵ်ႈႁဵၼ်း 40 ပၢႆ၊ ပဵၼ်လုၵ်ႈႁဵၼ်းလၢႆတီႈလၢႆဝဵင်း မႃးၶဝ်ႈႁဵၼ်း၊ ၵမ်ႈၼမ်ပဵၼ်လုၵ်ႈႁဵၼ်း ဢၼ်ယူၼႂ်း ဝၢၼ်ႈၼွင်တဝ်း လႄႈ လၢႆးၶႃႈ ၸိူဝ်းဢမ်ႇလႆႈၶိုၼ်ႈႁူင်းႁဵၼ်းလူင်ပွင်ၸိုင်ႈ...