လႅၼ်လိၼ်တႆး - ထႆး တီႈဝဵင်းတႃႈၶီႈလဵၵ်းၼႆႉ လွင်ႈၽူႈလၵ်ႉၸၵ်ႉၶုတ်ႈ ၶႃႈႁႅမ်ၵၼ် လိူင်ႇၼမ်မႃးၶိုၼ်း ၵူႈဝၼ်းလႄႈ ၸွမ်းသဵၼ်ႈတႃႈသၢႆတၢင်း ၾၢႆႇၼွၵ်ႈဝဵင်းၸိူဝ်းၼႆႉၵေႃႈ ၵႆႉမီးလွင်ႈပိုတ်းယိုဝ်းၶႃႈႁႅမ်ၵၼ် ၼႆယဝ်ႉ။ ဝၼ်းတီႈ 06/06/2025 ပူၼ်ႉမႃးၼႆႉ ၼႂ်းၵႄႈဝၢၼ်ႈႁူၺ်ႈလူႉ(ဟွေလု) လႄႈ ဝၢၼ်ႈၽၵ်းႁီႉ တီႈၵူၼ်းၵႂႃႇ မႃးႁၢင်ႇတီႈၼိုင်ႈ ၼႂ်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၼႆႉ ထူပ်းႁၼ်တူဝ်တၢႆ ၼၢင်းယိင်း ၵေႃႉ...