ၵူၼ်းမိူင်းသီႇပေႃႉ ပၢႆႈၽေးသိုၵ်း ၼမ်မႃးထႅင်ႈ

ၼႂ်းၸႄႈဝဵင်းသီႇပေႃႉ ၸုမ်းယိပ်းၵွင်ႈၵၢင်ႇ ၶဵင်ႇၶႅင်ၵၢၼ်သိုၵ်းတေႃႇၵၼ်လႄႈ ၵူၼ်းမိူင်းမႆႈၸႂ် ၵူဝ်ပဵၼ်ပၢင်တိုၵ်းသေ ဢွၼ်ၵၼ်ပၢႆႈၼပ်ႉႁူဝ်ပၢၵ်ႇ မႃးမီးဝႆႉယူႇၼႂ်းဝဵင်း။ ဝၼ်းတီႈ 03-04/01/2019 ၼႆႉမႃး ၵူၼ်းဝၢၼ်ႈတူၼ်ႈၵႅင်း၊ ဝၢၼ်ႈႁူဝ်ၼႃးလႄႈ ဝၢၼ်ႈၼႂ်းလူင် ဢွၼ်ၵၼ်ငိူင်ႉပၢႆႈၽေး သိုၵ်း မႃးသွၼ်ႈဝႆႉတီႈဝတ်ႉၼႃးမၢၵ်ႇၶေႃ။ ၵူၼ်းဝၢၼ်ႈၶၢႆးႁဵဝ်းသမ်ႉ ဢွၼ်ၵၼ်ပၢႆႈမႃးသွၼ်ႈဝႆႉတီႈ ဝတ်ႉၼွင်ၵေႃႈ။ ၵူၼ်းဝၢၼ်ႈၵဵတ်းၽူၼ်တင်း ဝၢၼ်ႈတူၼ်ႈၵႅင်းသမ်ႉ ဢွၼ်ၵၼ်ပၢႆႈမႃးသွၼ်ႈဝႆႉတီႈ ဝတ်ႉၽူဝ်းတေႃႇ ၸႄႈဝဵင်းသီႇ ပေႃႉ...