ၼႂ်းလိူၼ်တီႊသႅမ်ႊပိူဝ်ႊၼႆႉ သိုၵ်းမၢၼ်ႈယိုတ်းမိူင်း လွၵ်ႇငိုတ်ႈတေႃႇၵူၼ်းမိူင်း ၸိူဝ်းယူႇၼႂ်းပိုၼ်ႉတီႈ ၸႄႈဝဵင်းတၢင်ႉယၢၼ်း၊ ၸႄႈဝဵင်းမူႇၸေႊ ႁႂ်ႈၵႂႃႇပၼ်သဵင်ၵၢင်ၸႂ် ၼႂ်းဝၼ်း ပၢင်လိူၵ်ႈတင်ႈ ၼႆယဝ်ႉ။ ပၢင်လိူၵ်ႈတင်ႈဢၼ်သိုၵ်းမၢၼ်ႈတေၼမ်းၸတ်းၼႆႉ ၵူၼ်းမိူင်းၸိူဝ်းယူႇၼႂ်းမိူင်းတႆး ဢမ်ႇသူၼ်ၸႂ်။ ၶႃႈႁၢပ်ႇၵၢၼ်ၶုၼ်တႂ်ႈသိုၵ်းမၢၼ်ႈယိုတ်းမိူင်း ႁဵတ်းၽိုၼ်ၸေႈဢွၵ်ႇသေ ၵႂႃႇ တိတ်းဝႆႉသဵၼ်ႈၸိုဝ်ႈ ၵူၼ်းၸိူဝ်းတေလႆႈၵႂႃႇပၼ်သဵင် (တွတ်ႈမႄး) ယူႇသေတႃႉ ဢမ်ႇမီးၽႂ်ၵႂႃႇတူၺ်း။ ၸၢႆးဢွင်ႇ...