ၵူၼ်းမိူင်းမၢၼ်ႈၵႂႃႇႁဵတ်းၵၢၼ်မိူင်းထႆးပွတ်းၵၢင်ၵေႃႉၼိုင်ႈ လူင်းႁႃႁွႆသေၸူမ်ၼမ်ႉတၢႆ

ႁႅင်းၵၢၼ်ယၢၼ်မိူင်းၸၢဝ်းမၢၼ်ႈ ၶဝ်ႈႁဵတ်းၵၢၼ်မိူင်းထႆး လူင်းႁႃႁွႆၼႂ်းၼမ်ႉၵၢင်ၶိုၼ်းသေ ၸူမ်ၼမ်ႉတၢႆ။ ဝၼ်းတီႈ 20/09/2018 သိုဝ်ႇၶၢဝ်ႇ MGR ပိုၼ်ၽၢဝ်ႇဝႃႈ ႁႅင်းၵၢၼ်ယၢၼ်မိူင်းၸၢဝ်းမၢၼ်ႈ ၸိုဝ်ႈၸၢႆးတဵင်းမိၼ်ႉ ဢႃယု 38 ပီ ၶဝ်ႈႁဵတ်းၵၢၼ်ၵေႃႇသၢင်ႈ တီႈၼႂ်းဝဵင်းၼူၼ်းထၿူႊရီႊ ၸိုင်ႈထႆးတွၼ်ႈၵၢင် လူင်းႁႃႁွႆယၢမ်းၵၢင်ၶိုၼ်းသေ ၸူမ်ၼမ်ႉတၢႆ။ ၸၢႆးၼုမ်ႇ လုၵ်ႈၸၢႆးၽူႈတၢႆလၢတ်ႈဝႃႈ -“ ပေႃႈၶႃႈၼႆႉၵႆႉၵႆႉၵႂႃႇလႄႇႁႃႁွႆ တီႈၼႂ်းၼမ်ႉႁွင်ႈၼၼ်ႉ တႃႇသေႇၶႃႈ မိူဝ်ႈၵၢင်ၶမ်ႈဝၼ်းတီႈ...