ႁႅင်းၵၢၼ်ယၢၼ်မိူင်းၸၢဝ်းမၢၼ်ႈ ၶဝ်ႈႁဵတ်းၵၢၼ်မိူင်းထႆး လူင်းႁႃႁွႆၼႂ်းၼမ်ႉၵၢင်ၶိုၼ်းသေ ၸူမ်ၼမ်ႉတၢႆ။
ဝၼ်းတီႈ 20/09/2018 သိုဝ်ႇၶၢဝ်ႇ MGR ပိုၼ်ၽၢဝ်ႇဝႃႈ ႁႅင်းၵၢၼ်ယၢၼ်မိူင်းၸၢဝ်းမၢၼ်ႈ ၸိုဝ်ႈၸၢႆးတဵင်းမိၼ်ႉ ဢႃယု 38 ပီ ၶဝ်ႈႁဵတ်းၵၢၼ်ၵေႃႇသၢင်ႈ တီႈၼႂ်းဝဵင်းၼူၼ်းထၿူႊရီႊ ၸိုင်ႈထႆးတွၼ်ႈၵၢင် လူင်းႁႃႁွႆယၢမ်းၵၢင်ၶိုၼ်းသေ ၸူမ်ၼမ်ႉတၢႆ။
ၸၢႆးၼုမ်ႇ လုၵ်ႈၸၢႆးၽူႈတၢႆလၢတ်ႈဝႃႈ -“ ပေႃႈၶႃႈၼႆႉၵႆႉၵႆႉၵႂႃႇလႄႇႁႃႁွႆ တီႈၼႂ်းၼမ်ႉႁွင်ႈၼၼ်ႉ တႃႇသေႇၶႃႈ မိူဝ်ႈၵၢင်ၶမ်ႈဝၼ်းတီႈ 19 ၼၼ်ႉ ပေႃႈၶႃႈၵိၼ်လဝ်ႈ ဝၢႆးၵိၼ်လဝ်ႈယဝ်ႉ မၼ်းလၢတ်ႈဝႃႈ တေၵႂႃႇႁႃႁွႆၵမ်ႉၼိုင်ႈၼႃႈၼႆသေ ႁၢႆလူင်ၵႂႃႇ တၢင်းၶိုၼ်း ၽိူဝ်ႇထိုင်မႃးၵၢင်ၼႂ်ဝၼ်းတီႈ 20 ၶၢဝ်းယၢမ်း ၵၢင်ၼႂ် 10:30 မီးၵူၼ်းဝၢၼ်ႈဢၼ်ယူႇႁိမ်းႁွမ်းမႃးလၢတ်ႈဝႃႈ ထူပ်းႁၼ်တူဝ်တၢႆပေႃႈ ၽူးယူႇႁိမ်းၾင်ႇၼမ်ႉ ၶႃႈၸင်ႇၼႅတ်ႈလႅၼ်ႈၵႂႃႇတူၺ်းသေ ႁိပ်ႈၸႅင်ႈၸဝ်ႈၼႃႈတီႈဢေႃႈ” ဝႃႈၼႆ။
ၸဝ်ႈၼႃႈတီႈပလိၵ်ႈၶၢတ်ႈလၢမ်းဝႃႈ မၼ်းၸၢႆးလႅပ်ႈပဵၼ်ၵဵဝ်ႇ၊ ပဵၼ်ၸွၵ်းၽွင်းတဝ်ႁႃႁွႆၼႂ်းၼမ်ႉ ၸွႆႈထႅမ်တူဝ်ၵဝ်ႇဢမ်ႇလႆႈလႄႈ ၸင်ႇၸူမ်ၼမ်ႉတၢႆၼႆယဝ်ႉ ။ ယၢမ်းလဵဝ်တၢင်းၾၢႆႇၸဝ်ႈၼႃႈတီႈထႆးၶဝ် လႆႈဢဝ်ၶၢပ်ႈတူဝ်မၼ်းၸၢႆး သူင်ႇႁူင်းယႃထမ်ႊမသၢတ်ႊၶျလိူမ်ႊၽရႃႊၵဵတ်ႊရင်ႊသိတ်ႊ ပိူဝ်ႈၵူတ်ႇထတ်းႁႃလွင်ႈ တၢင်းၵၢၼ်တၢႆဝႆႉယူႇဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ