ၵူၼ်းမိူင်းပၼ်ႇ တုၵ်းယွၼ်းႁႂ်ႈသႂ်ႇၸိုဝ်ႈၵၢတ်ႇ ပဵၼ်ၸိုဝ်ႈတႆး

ၵူၼ်းမိူင်းပၼ်ႇႁူမ်ႈၵၼ် တုၵ်းယွၼ်းတၢင်ႇလိၵ်ႈထိုင် လူင်ပွင်ၸိုင်ႈမိူင်းတႆး ႁႂ်ႈလႆႈသႂ်ႇၸိုဝ်ႈၵၢတ်ႇ ပႃးလိၵ်ႈတႆး၊ ၸိုဝ်ႈတႆး ဝႃႈၼႆ။ တင်ႈတႄႇႁၢင်လိူၼ်ဢေႃႊၵတ်ႊသ် 2019 ၼႆႉမႃး ယူႇတီႈၵေႃလိၵ်ႈလၢႆးလႄႈၾိင်ႈငႄႈတႆး၊ ၽူႈတႅၼ်းသၽႃး ပႃႇတီႇသိူဝ် ၽိူၵ်ႇလႄႈ ၵူၼ်းမိူင်း ႁူမ်ႈၵၼ်သေ တႅမ်ႈလိၵ်ႈတုၵ်းယွၼ်းထိုင် လူင်ပွင်ၸိုင်ႈမိူင်းတႆး ႁႂ်ႈလႆႈသႂ်ႇၸိုဝ်ႈတႆး၊ လိၵ်ႈတႆး တီႈၵၢတ်ႇလူင် ၸႄႈဝဵင်းမိူင်းပၼ်ႇ ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း။ လုင်းၸၢႆးပီး ႁူဝ်ပဝ်ႈၵေႃလိၵ်ႈလၢႆးလႄႈၾိင်ႈငႄႈတႆး...