ၵူၼ်းမိူင်းပွတ်းလႅၼ်လိၼ်တႆး - ၶႄႇ မုင်ႈမွင်းႁႂ်ႈၸဵဝ်း ပိုတ်ႇၽၵ်းတူလႅၼ်လိၼ်ဝႆးဝႆး

ၵူၼ်းမိူင်းပွတ်းလႅၼ်လိၼ်တႆး - ၶႄႇ မုင်ႈမွင်းႁႂ်ႈၽူႈမီးပုၼ်ႈၽွၼ်း တင်းသွင်မိူင်း ပိုတ်ႇၽၵ်းတူလႅၼ်လိၼ်ဝႆးဝႆးၼႆႉ၊ ယွၼ်ႉတုမ်ႉတိူဝ်ႉၵၢၼ်ႁႃၵိၼ်လဵင်ႉတွင်ႉ ၼႃႈႁိူၼ်းလိူဝ်ႁႅင်း။ ၸၢႆးႁိၼ်လဵၵ်း ၸုမ်းၶၢဝ်ႇထုင်ႉႁူၺ်ႈလီႈ မူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ “ ၽၵ်းတူပိၵ်ႉဢိုတ်းမႃး မီးၶၢဝ်းတၢင်း 3 လိူၼ်ပၢႆယဝ်ႉယင်းပႆႇပိုတ်ႇ၊ ၵူၼ်းမိူင်းၸွမ်းလႅၼ်လိၼ်ၼႆႉ မွင်းႁႂ်ႈပိုတ်ႇၼႃႇၶႃႈယဝ်ႉ ၽၵ်းတူၼႆႉ။ ၵၢၼ်ႁႃၵိၼ်လဵင်ႉတွင်ႉ ယၢပ်ႇၽိုတ်ႇလိူဝ်ႁႅင်းၶႃႈဢေႃႈ။ ဢမ်ႇၸၢင်ႈၵႃႉၶၢႆၵၼ်လႆႈလီလီ။ ၶူဝ်းၵုၼ်ႇတႄႉ တေႃႉသူင်ႇၶဝ်ႈဢွၵ်ႇၵႂႃႇမႃးလႆႈယူႇ...