ၵူၼ်းမိူင်းထုင်ႉသၢပ်ႇၼမ်ႉမႃႉလႄႈ ၽူႈႁၵ်ႉၵေးၼမ်ႉၸိုင်ႈတႆး လူင်းလၢႆးမိုဝ်းသၢၼ်ၶတ်း ၵၢၼ်ၵေႃႇသၢင်ႈၾၢႆၼမ်ႉမႃႉ

ၵူၼ်းမိူင်း ၼႂ်းၸႄႈဝဵင်းသီႇပေႃႉ လႄႈ ၸိူဝ်းယူႇ သၢပ်ႇၼမ်ႉမႃႉ၊ ပႃးၸဵမ်ၽူႈႁၵ်ႉမႄႈၼမ်ႉ ႁူမ်ႈၵၼ် ၵဵပ်းလၢႆးမိုဝ်း/ ၸိုဝ်ႈ သဵင်သေ တေတၢင်ႇထိုင် ၽူႈမီးပုၼ်ႈၽွၼ်း လွင်ႈဝႃႈ တိုၼ်းဢမ်ႇယွမ်းႁပ်ႉၾၢႆ ဢၼ်တေတဵင်ႁႅတ်ႉၵႄးၼမ်ႉမႃႉ။ ၶွမ်ႊပၼီႊ Unienergy Co.Ltd ဢၼ်တေဢၢင်ႈၶိုင်သၢင်ႈႁဵတ်းၾၢႆၼိူဝ်မႄႈၼမ်ႉမႃႉၼၼ်ႉ ၶတ်းၸႂ်ၶဝ်ႈႁႃသူၼ်းတုမ် ၵူၼ်းဝၢၼ်ႈ ၼႂ်းပိုၼ်ႉတီႈ ထုင်ႉၼမ်ႉမႃႉ ၸႄႈဝဵင်းသီႇပေႃႉယူႇ။ ၸၢႆးတဵင်းမိၼ်ႉ ႁူဝ်ပဝ်ႈၶွၼ်ႈတုမ်ဢဵၼ်ႁႅင်းၵူၼ်းၼုမ်ႇတႆး...