ၵူၼ်းပၢႆႈၽေးသိုၵ်းတီႈလႃႈသဵဝ်ႈ ဢွၼ်ၵၼ်ပွၵ်ႈႁိူၼ်းမူတ်းယဝ်ႉ

ၵူၼ်းပၢႆႈၽေးသိုၵ်း တီႈလႃႈသဵဝ်ႈ ႁူဝ်ၵူၼ်းႁိမ်းၸမ် 3,000 ၵေႃႉ ဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်းမူတ်းယဝ်ႉ။ မိူဝ်ႈၼႆႉ ဝၼ်းတီႈ 26/08/2019 ၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉတီႈဝတ်ႉဝိႁၢရ်လူင်မၢၼ်ႈသူႈ ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇၼၼ်ႉ ၶိုၼ်းဢွၼ်ၵၼ်ပွၵ်ႈမိူဝ်းႁိူၼ်းယေးၽႂ်မၼ်းမူတ်းယဝ်ႉ။ ၸၢႆးႁၢၼ်ႇ ႁူဝ်ပဝ်ႈ ၸုမ်းၵူၼ်းၼုမ်ႇတႆး TYO ၸိုင်ႈတႆးပွတ်းႁွင်ႇ လၢတ်ႈတီႈၽူႈတွႆႇႁွၵ်ႈဝႃႈ “ မိူဝ်ႈၼႆႉ ၵူၼ်းပၢႆႈၽေးသိုၵ်း တီႈၵျွင်းမၢၼ်ႈသူႈ ဢွၼ်ၵၼ်ပွၵ်ႈမိူဝ်းမူတ်းယဝ်ႉၶႃႈ။ မိူဝ်ႈဝႃးသမ်ႉ...