ဝၼ်းလဵၼ်ႈၼမ်ႉသၢင်းၵျၢၼ်ႇ ဝၼ်းတီႈ 14/04/2025 လုၵ်ႈဢွၼ်ႇလူင်းလဵၼ်ႈၼမ်ႉမၢဝ်းတီႈႁၢတ်ႇႁူဝ်သၢႆးသေ ၸူမ်ၼမ်ႉႁၢႆၵႂႃႇ ၵေႃႉၼိုင်ႈ။ တေႃႇထိုင်ဝၼ်းတီႈ 15/04/2025 ယၢမ်းႁူဝ်ၶမ်ႈတႄႉ ပႆႇႁႃႁၼ်တူဝ်တၢႆ ၼႆ ၽူႈၶဝ်ႈၸုမ်းၸွႆႈထႅမ်ၵေႃႉၼိုင်ႈလၢတ်ႈၽူႈတွႆႇႁွၵ်ႈၼင်ႇၼႆ။   “လုၵ်ႈဢွၼ်ႇၼႆႉ ဢႃယုတိုၵ်ႉမီးမွၵ်ႈ 15 ၶူပ်ႇ။ ၸူမ်ၵႂႃႇမိူဝ်ႈဝၼ်းတီႈ14 ယၢမ်းဝၢႆးဝၼ်းမွၵ်ႈ 4 မူင်းၶိုင်ႈၼႆႉ။ ပဵၼ်လုၵ်ႈဢွၼ်ႇပလွင်ႈ 2 ၵေႃႉမႃးလဵၼ်ႈၼမ်ႉၸွမ်းၵၼ်။ တင်ႈတႄႇၶၢဝ်းမၼ်းၸူမ်ႁၢႆၵႂႃႇၼၼ်ႉ ၸဝ်ႈႁိူဝ်းၸၢၵ်ႈၶဝ်ၵေႃႈလႄႇႁႃတူဝ်တၢႆယူႇတၢင်းၶမ်ႈၼင်ႇၵဝ်ႇ။...