ၸုမ်းသိုၵ်းမၢၼ်ႈတင်ႈၵဵတ်ႉလၢၼ်ႇၵူတ်ႇထတ်းၶူဝ်းၵုၼ်ႇၶဝ်ႈ/ဢွၵ်ႇ တီႈဝဵင်းမိူင်းပွၼ် ဝၼ်းဝၼ်းၶိုၼ်းၶိုၼ်း ႁဵတ်းႁႂ်ႈ ရူတ်ႉၵႃးတၢင်ႇၶူဝ်းၵုၼ်ႇ တိတ်းၶမ်ယိုတ်ႈယၢဝ်းပဵၼ်ထႅဝ် ။ သိုၵ်းမၢၼ်ႈတႄႇၵူတ်ႇထတ်းၵႃးတၢင်ႇၶူဝ်းၵုၼ်ႇၼႆႉ တႄႇဢဝ်ၵၢင်လိူၼ် ၼူဝ်ႊဝႅမ်ႊပိူဝ်ႊၼႆႉမႃး။ ၾၢႆႇၼိုင်ႈၵေႃႈၼိူဝ်သဵၼ်ႈတၢင်း လွႆလႅမ်- မိူင်းပွၼ် သမ်ႉတိုၵ်ႉမႄးၶုတ်း/သိူဝ်ႇသဵၼ်ႈတၢင်းၵႃးလႄႈယိင်ႈၶႅၼ်းႁဵတ်းႁႂ်ႈၵႃးတိတ်းၶမ်ယၢဝ်း ၼႆၵူၼ်းႁေႃႈရူတ်ႉၵႃးတၢင်ႇၵုၼ်ႇ တူၼ်ႈတီး-လွႆလႅမ်ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈၼင်ႇၼႆ။ “ၶဝ်ပႂ်ႉၵူတ်ႇထတ်းၾၢႆႇတူၵ်းမိူင်းပွၼ်ၼၼ်ႉဢေႃႈ။ ၶဝ်ၸႂ်ႉဢဝ်ၶူဝ်းၵုၼ်ႇလူင်းရူတ်ႉသေၵူတ်ႇထတ်းထိုင် တၢင်းၼႂ်းပႃး။ ၶူဝ်းမၢင်ၸိူဝ်းၵေႃႈ ၶဝ်တီႉဝႆႉ ဢမ်ႇပၼ်ဢဝ်တၢင်ႇၵႂႃႇပႃး။ ၸိူဝ်းၼႆႉႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇ။ ၶဝ်သမ်ႉမႄးတၢင်းပႃးလႄႈသဵၼ်ႈတၢင်းၵေႃႈပဵၼ်ၵူမ်ႇပဵၼ်ဢုင် ရူတ်ႉၵႃးတိတ်းၶမ်” တီႈသဵၼ်ႈတၢင်းလူင် တူၼ်ႈတီး−လွႆလႅမ်ၼႆႉ...