ၶူဝ်းၵုၼ်ႇဢၼ် လုၵ်ႉတၢင်း ဝဵင်းၵဵင်းတုင် ၸိုင်ႈတႆးပွတ်းဢွၵ်ႇ ဢၼ်တေတေႃႉမႃး တီႈ ဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ သိုၵ်းမၢၼ်ႈပႂ်ႉတီႉၺွပ်း တီႈၵဵတ်ႉလၢၼ်ႇ  ဝဵင်းမိူင်းပွၼ်ႇ ႁဵတ်းႁႂ်ႈ ၸဝ်ႈၵႃးလႄႈၵူၼ်းၵႃႉ ယၢပ်ႇၽိုတ်ႇ ၵိၼ်းၸႂ်ဝႃႈၼႆ ။ တႄႇႁူဝ်လိူၼ်ၵျႃၼ်ႊပူၼ်ႉမႃး ၵႃးတၢင်ႇၵူၼ်းဢၼ်လုၵ်ႉတၢင်း ၵဵင်းတုင် ၶိုၼ်ႈတူၼ်ႈတီး၊ ၵူၼ်းဢၼ်လုၵ်ႉတၢင်းမိူင်းမၢၼ်ႈတူင်ႈပဵင်းၶိုၼ်ႈမႃးမိူင်းတႆးသေဢၢၼ်းတေၵႂႃႇမိူင်းတႆးပွတ်းဢွၵ်ႇၸိူဝ်းၼႆႉ    သိုၵ်းမၢၼ်ႈၵူတ်ႇထတ်းတီႈၵဵတ်ႉလၢၼ်ႇ ႁၢဝ်ႈႁႅင်း ။    ၸဝ်ႈၵႃးၵႂႃႇမႃး...