ဢူးၸူဝ်းၺုၼ်ႉလုၼ်ႇ

ၽွင်းလူင်ၾၢႆႇငိုၼ်းတွင်း လႄႈၽူႈၶၢၼ်ပၢၵ်ႇ လူင်ပွင်ၸိုင်ႈမိူင်းတႆး ဢူးၸူဝ်းၺုၼ်ႉလုၼ်ႇ  ၺႃးတီႉတီႈတႃႈၵုင်ႈမိူဝ်ႈၶမ်ႈဝႃးဝၼ်းတီႈ 5/3/2021 ။ ပလိၵ်ႈလႄႈတပ်ႉသိုၵ်းႁူမ်ႈၵၼ်ၶဝ်ႈၵူတ်ႇထတ်းတီႈႁွင်ႈဢၼ်ၶဝ်ယူႇဝႆႉ တီႈတိုၵ်းဢၼ်ၼိုင်ႈၼႂ်းဝဵင်းတႃႈၵုင်ႈ၊ တီႉလႆႈပႃး ဢူးယႄးလၢႆႇ ႁူဝ်ပဝ်ႈပႃႇတီႇၼူၵ်ႉယုင်း NLD ၸႄႈဝဵင်းလွႆလႅမ်။ တင်ႈဢဝ်သိုၵ်းယိုတ်းဢႃႇၼႃႇမႃးၼႂ်းၶၢဝ်းတၢင်း လိူၼ်ပၢႆ 6 ဝၼ်းၼႆႉ ဢူးၸူဝ်းၺုၼ်ႉလုၼ်ႇၺႃးတီႉ  ပဵၼ်ၵမ်းတီႈ 3။ ဢူးၸူဝ်းၺုၼ်ႉလုၼ်ႇၼႆႉ  သိုၵ်းပိုၼ်ၽၢဝ်ႇတႃႇတီႉၺွပ်းမၼ်းၸၢႆးဝႆႉၸဵမ်မိူဝ်ႈၵၢင်လိူၼ်ၾႅပ်ႉပိဝ်ႊရီႊပူၼ်ႉမႃး။   ၽွင်းမၼ်းၸၢႆး သိူင်ႇတူဝ်သွၼ်ႈဝႆႉၼၼ်ႉမၼ်းၸၢႆးၵႆႉၵႆႉတႅမ်ႈတၢင်ႇတီႈၾဵတ်ႉသ်ပုၵ်ႉမၼ်းၵဵဝ်ႇၵပ်းလွင်ႈ ၶေႃႈပိုၼ်ၽၢဝ်ႇလူင်ပွင်ၸိုင်ႈမိူင်းတႆး၊ ၵဵဝ်ႇၵပ်းလွင်ႈ...