ဝၢႆးသိုၵ်းၵဝ်ႈၵၢင်ႉ ထွႆဢွၵ်ႇတီႈဝဵင်းမိူင်းယႆ ၵမ်ႈၽွင်ႈယဝ်ႉ ၸဝ်ႈႁၢၼ်ႉၶၢႆၵုၼ်ႇယွႆႈ တီႈဢိူင်ႇႁူဝ်ယ ၸႄႈဝဵင်းမိူင်းယႆ ဢွၼ်ၵၼ်ၶၢင်းပွင်ႉ ယွၼ်ႉသိုၵ်းၶဝ် ၸိုၵ်းၵိၼ်ၶူဝ်းၵုၼ်ႇယဝ်ႉ ဢမ်ႇတၼ်းသၢႆႈၼီႈ တင်းမူတ်းမွၵ်ႈ 10 ႁၢၼ်ႉ။ မိူဝ်ႈဝၼ်းတီႈ 18/04/2025 ၼၼ်ႉ သိုၵ်းၵဝ်ႈၵၢင်ႉ MNDAA ဢၼ်ပႂ်ႉၵဵတ်ႉတီႈဝၢၼ်ႈၼွင်မူဝ် ၼႂ်းဢိူင်ႇႁူဝ်ယ ၸႄႈဝဵင်းမိူင်းယႆ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇၼၼ်ႉ ၸိုၵ်းၵိၼ်ၶူဝ်းၵုၼ်ႇ ၵူၼ်းဝၢၼ်ႈလူင်...