ဢိူင်ႇဝၢၼ်ႈထီႇ

ၵူၼ်းၵေးသီးပၢႆႈၽေးသိုၵ်းလွႆႁူၼ်းမႃးသွၼ်ႈယူႇဝႆႉၼႂ်းဝဵင်းလၢႆးၶႃႈၼၼ်ႉ ယွၼ်ႉပိူဝ်ႈတၢင်းပဵၼ်လႄႈငဝ်းလၢႆးဝၢၼ်ႈမိူင်းသေ ဢမ်ႇၸၢင်ႈပွၵ်ႈႁိူၼ်းၶိုၼ်း၊   ဢွၼ်ၵၼ်သိုပ်ႇပၢႆႈၵႂႃႇယူႇၸွမ်းပီႈၼွင်ႉဝၢၼ်ႈထီႇထႅင်ႈ 60 ၵေႃႉပၢႆ။  ၸိူဝ်းၶဝ် 60 ပၢႆၼႆႉၶဝ်မႃးသွၼ်ႈယူႇတီႈႁိူၼ်းပီႈၼွင်ႉၽႂ်မၼ်းၼႂ်းဝဵင်းလၢႆးၶႃႈ လႆႈၶၢဝ်းတၢင်းမွၵ်ႈ 2 လိူၼ်ယဝ်ႉ၊  ဝၼ်းတီႈ 5/8/2021 ပူၼ်ႉမႃးဝၼ်းၽတ်းၼႆႉၸင်ႇတူၵ်းလူင်းၵၼ်သေ ဢွၼ်ၵၼ်ၶၢႆႉမႃးယူႇတီႈဝၢၼ်ႈထီႇ ဢၼ်မီးၾၢႆႇႁွင်ႇဝဵင်းလၢႆးၶႃႈၼၼ်ႉထႅင်ႈ  ။ ၽူႈၸွႆႈထႅမ် ၵူၼ်းပၢႆႈၽေး တီႈလၢႆးၶႃႈ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၵူၼ်းပၢႆႈၽေးသိုၵ်း ဢၼ်ပၢႆႈမႃးတီႈဝၢၼ်ႈ...