ၼႂ်းႁူဝ်လိူၼ်တီႊသႅမ်ႊပိူဝ်ႊမႃးၼႆႉ သိုၵ်းၵဝ်ႈၵၢင်ႉ MNDAA ၵူတ်ႇထတ်းၶိုၼ်း မၢႆၾၢင်ရူတ်ႉၵႃးၸိူဝ်းလတ်းၵႂႃႇမႃး ၼႂ်းၸႄႈဝဵင်းသႅၼ်ဝီ မိူင်းတႆးပွတ်းႁွင်ႇ။ ပေႃးဢမ်ႇမီးဝႂ်ႁပ်ႉႁွင်း လၢႆႊသိၼ်ႊဢၼ်ၸုမ်းသိုၵ်းၵဝ်ႈၵၢင်ႉႁဵတ်းဢွၵ်ႇဝႆႉပၼ်ၼၼ်ႉ တိုၼ်းဢမ်ႇပၼ် လတ်းၶၢမ်ႈၵဵတ်ႉလၢၼ်ႇၼႆ ၸဝ်ႈၵႃးၵေႃႉၺႃးၵူတ်ႇထတ်း တီႈၵဵတ်ႉလၢၼ်ႇသိုၵ်းၵဝ်ႈၵၢင်ႉ ၼႂ်းၸႄႈဝဵင်းသႅၼ်ဝီ လၢတ်ႈၼႄတီႈၽူႈတွႆႇႁွၵ်ႈ ၼင်ႇၼႆ။ “ၶဝ်ထတ်းဝႂ်ၵႃးၵူႈသႅၼ်း ။ ၸူဝ်ႈၶၢဝ်းၼႆႉၶဝ်ၵူတ်ႇထတ်းႁႅင်းၼႃႇ။ ပေႃးဢမ်ႇမီးဝႂ်ဢၼ်ၶဝ်ႁဵတ်းပၼ်ၼၼ်ႉ တိုၼ်းဢမ်ႇပၼ်ၶၢမ်ႈ ၵဵတ်ႉၶဝ်။ လႆႈႁူၼ်လင်ၶိုၼ်းတင်းမူတ်း။ လၢတ်ႈဝႃႈ တေၵႂႃႇႁိမ်းဝၢၼ်ႈၼႆႉၼႆၵူၺ်းၵေႃႈဢမ်ႇလႆႈ။ ၼွၵ်ႈလိူဝ်ၵႃးသိုၵ်းၶဝ်ယဝ်ႉ...