ၸုမ်းယိပ်းၵွင်ႈၵၢင်ႇ မႃးတင်းၵဵတ်ႉလၢၼ်ႇၼမ် ၵူတ်ႇထတ်းပႃးႁၢဝ်ႈႁႅင်း တီႈသဵၼ်ႈတၢင်းၵျွၵ်ႉတၢၼ်း ၼႂ်းၵႄႈတူၼ်ႈတီး - ပၢင်လူင် ၸိုင်ႈတႆးပွတ်းၸၢၼ်း ႁဵတ်းႁႂ်ႈၵူၼ်းမိူင်းၵႂႃႇမႃးယၢပ်ႇၽိုတ်ႇ။ သဵၼ်ႈတၢင်း ၼႂ်းၵႄႈမိူင်းပွၼ် - လွႆလႅမ်သမ်ႉ လိၼ်လွႆၵူၼ်ႇတဵင်တၢင်းလႄႈ ႁဵတ်းႁႂ်ႈၵူၼ်းမိူင်း ဢမ်ႇၸၢင်ႈၵႂႃႇမႃး လႆႈ ဢွၼ်ၵၼ်တႆႇၵႂႃႇၸွမ်းသဵၼ်ႈတၢင်းၵျွၵ်ႉတၢၼ်းၼႆႉ ၼမ်ႉမႃးႁႅင်း တႄႇဢဝ်လိူၼ်သႅပ်ႊထႅမ်ႊပိူဝ်ႊၼၼ်ႉမႃး ၸုမ်းယိပ်းၵွင်ႈၵၢင်ႇ လၢႆမူႇၸုမ်း တင်ႈၵဵတ်ႉလၢၼ်ႇသေ ပႂ်ႉၵူတ်ႇထတ်းၵူၼ်းၵႂႃႇမႃး ႁၢဝ်ႈႁႅင်း။ ၸဝ်ႈၵႃး...